Foto:azh.kz
Atyraýdyń burynǵy ákimi Qairat Orazbaev tergeý izoliatorynan úiqamaqqa aýystyryldy. Buǵan deiin ol qamaýǵa alynǵan bolatyn.
Atyraý oblysy sotynyń baspasóz qyzmeti oblys prokýrorynyń ótinishi boiynsha buryn qamaýǵa alynǵan eks-ákimge qatysty bultartpaý sharasy ózgertilgenin habarlady, dep jazady Tengrinews.kz saity.
"Atyraý mamandandyrylǵan tergeý sotynyń 2023 jylǵy 11 qarashadaǵy qaýlysy boiynsha Q. Orazbaevqa qatysty eki ai merzimge qamaýda ustaý túrindegi bultartpaý sharasy sanktsiialandy. Atyraý oblysy prokýrorynyń ótinishi boiynsha Atyraý mamandandyrylǵan tergeý sotynyń 2023 jylǵy 22 jeltoqsandaǵy qaýlysy boiynsha, Q. Orazbaevqa qatysty bultartpaý sharasy onyń densaýlyq jaǵdaiyna bailanysty úiqamaqqa aýystyryldy", - delingen Atyraý mamandandyrylǵan tergeý sotynyń aqparatynda.
Eske salaiyq, Atyraýdyń burynǵy ákimi Qairat Orazbaevtyń ustalǵany byltyrǵy qarashada belgili boldy. Sol kezde prokýratýra alaiaqtyq belgileri boiynsha Atyraý ákimdiginiń laýazymdy tulǵalaryna qatysty sotaldy tergeý júrgizilip jatqanyn habarlady.
