سۇلتان سەرسەمەليەۆتٸڭ سوتىندا سۋديا بولىپ جٷرگەن زارەما حاميدۋللينا كٶلەمدٸ سۇحبات بەردٸ, دەپ حابارلايدى ult.kz.
ول “اتىراۋ” گازەتٸنە بەرگەن سۇحباتىندا جانگەلديندەگٸ قىلمىس تۋرالى سۇراقتارعا جاۋاپ بەردٸ.
– ٶزٸڭٸز بٸلەسٸز, قازٸر جانگەلدين اۋىلىندا بٸر وتباسىن قاتىگەزدٸكپەن ٶلتٸرۋ بويىنشا قىلمىستىق ٸس – قوعامنىڭ باستى نازارىندا. سوت وتىرىستارىندا كٶرسەتٸلەتٸن كەيبٸر بەينەماتەريالداردى قاراپايىم ادامنىڭ سوڭىنا دەيٸن قاراۋعا دەتٸ جەتپەيدٸ. ال سۋديا سول دەلەلدەردٸڭ بەرٸن مۇقييات زەرتتەۋگە مٸندەتتٸ. مۇنداي پسيحولوگييالىق جٷكتەمەنٸ قالاي ەڭسەرەسٸز?
– سۋديا قارالىپ جاتقان ٸس بويىنشا تٷپكٸلٸكتٸ شەشٸم قابىلدانعانعا دەيٸن ونىڭ مەن-جايىنا قاتىستى پٸكٸر بٸلدٸرە المايدى. سوندىقتان ناقتى اتالعان ٸس بويىنشا قانداي دا بٸر باعا بەرۋ نەمەسە اقپارات ايتۋ زاڭ تالاپتارى مەن سۋديا ەدەبٸنە قايشى كەلەدٸ.
جالپى اۋىر قىلمىستىق ٸستەردٸ قاراۋ سۋديادان جوعارى پسيحولوگييالىق تٶزٸمدٸلٸك پەن كەسٸبي بەرٸكتٸكتٸ تالاپ ەتەدٸ. كەيبٸر ٸستەردەگٸ بەينەجازبالار, ساراپتاما قورىتىندىلارى نەمەسە ٶزگە دە دەلەلدەمەلەر كەز-كەلگەن ادام ٷشٸن اۋىر قابىلدانۋى مٷمكٸن. مۇنداي ماتەريالداردىڭ ارتىندا قايعى, ادام تاعدىرى, ورنى تولماس ٶكٸنٸش جاتادى.
سوعان قاراماستان سۋديانىڭ باستى مٸندەتٸ – ەموتسيياعا ەمەس, زاڭعا سٷيەنە وتىرىپ, ەربٸر دەلەلدەمەنٸ تولىق, جان-جاقتى جەنە وبەكتيۆتٸ زەرتتەۋ. سوت تٶرەلٸگٸن جٷزەگە اسىرۋ بارىسىندا قۇقىقتىق ٶلشەم بٸرٸنشٸ ورىندا تۇرۋى تيٸس.
مۇنداي جاعدايدا سۋديا كەسٸبي بٸلٸمٸنە, تەجٸريبەسٸنە جەنە ٸشكٸ جاۋاپكەرشٸلٸك سەزٸمٸنە ارقا سٷيەيدٸ. ەر ٸستٸڭ ارتىندا ادام تاعدىرى تۇرعانىن تٷسٸنۋ جاۋاپكەرشٸلٸك جٷگٸن كٷشەيتكەنٸمەن, سونىمەن بٸرگە ەدٸل شەشٸم قابىلداۋعا دەگەن مٸندەتتٸ دە ايقىندايدى. سوندىقتان قانداي كٷردەلٸ ٸس بولسا دا, زاڭدىلىق پەن ەدٸلدٸك قاعيداتتارىنان اۋىتقىماۋ – سۋديانىڭ باستى ۇستانىمى ەرٸ قوعام الدىنداعى ميسسيياسى.
سونىمەن قاتار پسيحولوگييالىق تەپە-تەڭدٸكتٸ ساقتاۋ دا ماڭىزدى. بۇل رەتتە وتباسىنىڭ قولداۋى ەرەكشە رول اتقارادى. كٸتاپ وقۋ, تابيعات اياسىندا سەرۋەندەۋ, رۋحاني جەنە مەدەني دەمالىسقا ۋاقىت بٶلۋ سيياقتى قاراپايىم نەرسەلەر دە ويدى سەرگٸتٸپ, ٸشكٸ تۇراقتىلىقتى ساقتاۋعا ىقپال ەتەدٸ. كەيدە دەل وسىنداي قاراپايىم دٷنيەلەر ادامنىڭ كٷش-قۋاتىن قالپىنا كەلتٸرەدٸ.
