فوتو: اقجايىق
اتىراۋدا جەتٸ جاسار قىزدىڭ قازاسىنا قاتىستى داۋلى ٸس جاڭا بەتبۇرىس الدى. بۇعان دەيٸن كٸنەلٸ دەپ تانىلىپ, سوتتالعان مٷسٸنشٸگە قاتىستى ٷكٸم جويىلدى, دەپ حابارلايدى Ult.kz.
قايعىلى وقيعا 2024 جىلدىڭ ماۋسىم ايىندا قالاداعى جەڭٸس ساياباعىندا بولعان. جاڭبىردان قورعانعان ادامداردىڭ ٷستٸنە تاس ەسكەرتكٸش قۇلاپ, جەتٸ جاسار قىز بەن ونىڭ ەكەسٸ اۋىر جاراقات الدى. ەكەسٸ امان قالعانىمەن, قىز اۋرۋحانادا كٶز جۇمدى.
وسى وقيعادان كەيٸن ەسكەرتكٸشتٸ جاساعان مٷسٸنشٸ كٸنەلٸ دەپ تانىلىپ, 18 ايعا باس بوستاندىعىنان ايىرىلعان ەدٸ. ول بٸر جارىم جىلعا جۋىق ۋاقىتىن قاماۋدا ٶتكٸزدٸ. الايدا قورعاۋشى تاراپ ٷكٸممەن كەلٸسپەي, ٸستٸ سوڭىنا دەيٸن داۋلاۋدى جالعاستىردى.
مٷسٸنشٸنٸڭ ادۆوكاتى تالعات دەۋلەتوۆ ەسكەرتكٸشتٸڭ قۇلاۋىنا باستى سەبەپ – تيٸستٸ باقىلاۋدىڭ بولماۋى ەكەنٸن العا تارتتى. ونىڭ ايتۋىنشا, ەسكەرتكٸش ونداعان جىل بويى قاراۋسىز قالعان.
اپەللياتسييالىق سوت باستاپقىدا ٷكٸمدٸ ٶزگەرٸسسٸز قالدىرعانىمەن, ٸس كاسساتسييالىق ساتىعا دەيٸن جەتتٸ. نەتيجەسٸندە, استاناداعى كاسساتسييالىق سوت مٷسٸنشٸنٸڭ ٷكٸمٸن جويىپ, ٸستٸ قايتا قاراۋعا جٸبەردٸ.
قىلمىستىق ٸستەر جٶنٸندەگٸ كاسساتسييالىق سوت سۋدياسى ازامات تٸلەپوۆ بۇل ٸستە ەكٸمدٸك قىزمەتكەرلەرٸنٸڭ دە جاۋاپكەرشٸلٸگٸ قارالۋى تيٸس ەكەنٸن اتاپ ٶتتٸ. سەبەبٸ ەسكەرتكٸشتٸ ورناتۋ, ونىڭ قاۋٸپسٸزدٸگٸن قامتاماسىز ەتۋ جەنە تيٸستٸ باقىلاۋ جٷرگٸزۋ جەرگٸلٸكتٸ اتقارۋشى ورگانداردىڭ مٸندەتٸنە جاتادى.
قازٸرگٸ تاڭدا ٸس قايتا قارالۋدا. ال مٷسٸنشٸگە قاتىستى تٷپكٸلٸكتٸ شەشٸم جاڭا سوت پروتسەسٸنٸڭ قورىتىندىسى بويىنشا قابىلدانادى.
