اتىراۋدا جوعالعان 1,5 جاستاعى بالاقايدى ٸزدەۋگە 50 ۆولونتەر جۇمىلدىرىلدى, دەپ حابارلايدى "ۇلت اقپارات".
بٷگٸن تٷس كەزٸندە «جۇلدىز» شاعىناۋدانىندا تۇراتىن وتباسىنىڭ 1,5 جاستاعى بالاسى جوعالىپ كەتتٸ. ول ەلٸ تابىلعان جوق. بالانى اتىراۋ قالالىق پوليتسييا باسقارماسىنىڭ قىزمەتكەرلەرٸ ٸزدەستٸرٸپ جاتىر.
«ەندٸ ٸزدەستٸرۋ جۇمىسىنا ۆولونتەرلار شتابىنان, ازاماتتىق ورتالىق پەن «قىزىل جارتى اي» بٸرلەستٸگٸنەن 50 ۆولونتەر قوسىلدى. بٷلدٸرشٸن تابىلمايىنشا, ٸزدەستٸرۋ جۇمىستارىن توقتاتپايىز» - دەپ حابارلادى قوعامدىق بەلسەندٸ ولجاس سۇلتانوۆ.
ونىڭ ايتۋىنشا, 1,5 جاستاعى بٷلدٸرشٸننٸڭ اتا-اناسى تۇراتىن ٷيدٸڭ اينالاسى قورشالماعان. بۇل بالانىڭ كٶشەگە كەدەرگٸسٸز شىعىپ كەتۋٸنە سەبەپ بولۋى مٷمكٸن.
