اتىراۋدا جەكە ٷي ٶرتەنٸپ, كٷيٸك شالعان بٸر ادام اۋرۋحاناعا تٷستٸ, دەپ حابارلايدى قازاقپارات.
وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, تۇرعىن ٷي بٷگٸن, 3 جەلتوقساندا ٶرتەنگەن.
«دەپارتامەنتتٸڭ ديسپەتچەرلٸك پۋلتٸنە ساعات 16:22-دە اتىراۋ قالاسىنىڭ ماڭىنداعى ەركٸنقالا-2 كەنتٸنٸڭ №5 كٶشەسٸندە بٸر قاباتتى جەكە تۇرعىن ٷيدەن ٶرت شىققانى تۋرالى حابار تٷستٸ. وقيعا ورنىنا جەتكەن ٶرت سٶندٸرۋشٸلەر جالپى اۋدانى 150 شارشى مەتر تۇرعىن ٷيدٸڭ شاتىرى تٷگەل جانىپ جاتقانىن انىقتادى. ٶرتتٸڭ سالدارىنان ٷي يەسٸ – 1987 جىلعى ازاماتتى كٷيٸك شالدى. زارداپ شەگۋشششٸ وبلىستىق اۋرۋحاناعا جاتقىزىلدى», - دەپ حابارلادى دەپارتامەنتتٸڭ باسپاسٶز قىزمەتٸ.
جالىن ساعات 17:16-دا وقشاۋلانىپ, 24 مينۋتتان سوڭ تولىقتاي سٶندٸرٸلدٸ. وعان دەپارتامەنتتٸڭ 22 قىزمەتكەرٸ مەن 5 تەحنيكاسى جۇمىلدىرىلدى.
