Atyraýda jeke úi órtenip, kúiik shalǵan bir adam aýrýhanaǵa tústi, dep habarlaidy QazAqparat.
Oblystyq tótenshe jaǵdailar departamenti baspasóz qyzmetiniń málimetinshe, turǵyn úi búgin, 3 jeltoqsanda órtengen.
«Departamenttiń dispetcherlik pýltine saǵat 16:22-de Atyraý qalasynyń mańyndaǵy Erkinqala-2 kentiniń №5 kóshesinde bir qabatty jeke turǵyn úiden órt shyqqany týraly habar tústi. Oqiǵa ornyna jetken órt sóndirýshiler jalpy aýdany 150 sharshy metr turǵyn úidiń shatyry túgel janyp jatqanyn anyqtady. Órttiń saldarynan úi iesi – 1987 jylǵy azamatty kúiik shaldy. Zardap shegýshshi oblystyq aýrýhanaǵa jatqyzyldy», - dep habarlady departamenttiń baspasóz qyzmeti.
Jalyn saǵat 17:16-da oqshaýlanyp, 24 minýttan soń tolyqtai sóndirildi. Oǵan departamenttiń 22 qyzmetkeri men 5 tehnikasy jumyldyryldy.
