اتىراۋدا وبلىس ەكٸمٸنٸڭ بٸرٸنشٸ ورىنباسارى ۇستالدى, دەپ حابارلايدى "ۇلت اقپارات".
اتىراۋ وبلىسىنىڭ سىبايلاس جەمقورلىققا قارسى ٸس-قيمىل دەپارتامەنتٸنٸڭ باسپاسٶز قىزمەتٸنٸڭ حابارلاۋىنشا, بٷگٸن اتىراۋدا وبلىس ەكٸمٸنٸڭ بٸرٸنشٸ ورىنباسارى نۇرلان تاۋباەۆ پەن وبلىستىق قۇرىلىس باسقارماسىنىڭ باسشىسى تيمۋر باساروۆ ۇستالدى.
ولار ايماقتىڭ ينفراقۇرىلىمدىق دامۋى مەن جول قۇرىلىسىمەن اينالىساتىن كومپانييالاردىڭ بٸرٸنەن 182 ميلليون تەڭگە كٶلەمٸندە پارا الدى دەگەن كٷدٸككە ٸلٸندٸ. تەرگەۋ مٷددەسٸ ٷشٸن ٸستٸڭ مەن-جايى ەلٸ اشىلعان جوق.
ەسكە سالا كەتەيٸك, سىبايلاس جەمقورلىققا قارسى قىزمەت نۇرلان تاۋباەۆ قاتىسقان اتىراۋ وبلىسى ەكٸمدٸگٸنٸڭ ٶكپەنٸ جاساندى جەلدەتۋ (ٶجج) اپپاراتتارىن ساتىپ الۋى تۋرالى ٸستٸ تەرگەپ جاتىر.
«بٸز قۇجاتتاردى اتىراۋ وبلىسى بويىنشا ٸشكٸ مەملەكەتتٸك اۋديت دەپارتامەنتٸنە جٸبەردٸك. ولار بٸزگە قورىتىندى بەرۋٸ كەرەك, سودان كەيٸن بٸز قىلمىستىق ٸس قوزعالا ما, جوق پا, سونى شەشەمٸز. مەنٸڭ بٸلۋٸمشە, اۋديتورلاردىڭ جۇمىسى ٶتە كٶپ, سول سەبەپتٸ ولار ٷلگەرمەي جاتادى. بٸز دە كٷتۋدەمٸز», – دەپ ٶجج بويىنشا ٸستٸ تەرگەۋ بارىسىنا قاتىستى تٷسٸنٸك بەردٸ اتىراۋ وبلىسى بويىنشا سىبايلاس جەمقورلىققا قارسى ٸس-قيمىل دەپارتامەنتٸ باسشىسىنىڭ بٸرٸنشٸ ورىنباسارى ايدوس مامىت.
ەسكە سالا كەتەيٸك, نۇرلان تاۋباەۆ وبلىس ەكٸمٸنٸڭ بٸرٸنشٸ ورىنباسارى لاۋازىمىنا مامىر ايىندا, ال تيمۋر باساروۆ اتىراۋ وبلىسىنىڭ قۇرىلىس باسقارماسىنىڭ باسشىسى قىزمەتٸنە ماۋسىم ايىنىڭ سوڭىندا تاعايىندالعان بولاتىن.
