قازاقستان مۇسىلماندارى دٸني باسقارماسىنىڭ تٶراعاسى ناۋرىزباي قاجى تاعانۇلى اتىراۋ وبلىسىنا جاساعان رەسمي ساپارىندا "يمانعالي" مەشٸتٸندە ازاماتتارمەن دەستٷرلٸ ەمەس دٸني اعىمداردىڭ زييانى تۋرالى تٷسٸندٸرۋ جۇمىسىن جٷرگٸزدٸ, دەپ حابارلادى قمدب باسپاسٶز قىزمەتٸ.
باس مٷفتي ازاماتتاردىڭ اقيدا, فيقھ مەسەلەسٸ بويىنشا قويعان سۇراقتارىنا جاۋاپ بەردٸ. بٸرنەشە ساعاتقا سوزىلعان جەكە ىقپال ەتۋ ٸس-شاراسىندا ناۋرىزباي قاجى تاعانۇلى جاماعاتپەن بٸرگە بولۋدىڭ, ەبۋ حانيفا مەزھابى مەن مەتۋريدي سەنٸمٸن ۇستانۋدىڭ ماڭىزىن كەڭٸنەن تٷسٸندٸرٸپ بەردٸ. سونىمەن قاتار سالت پەن دەستٷرگە, قوعامدا قالىپتاسقان قۇندىلىقتارعا قۇرمەتپەن قاراۋعا ٷندەدٸ.
كەزدەسۋ نەتيجەسٸندە جەرگٸلٸكتٸ ازاماتتار دٸني سەنٸم مەن ۇستانىم بويىنشا شالىس باسقان قادامدارىنا, دۇرىس ەمەس باعىتتا جازىلعان دٸني كٸتاپتاردان بٸلمەستٸكپەن اقپارات الىپ قويعانىنا ٶكٸنەتٸندەرٸن جەتكٸزدٸ. سونىمەن قاتار اشىق سۇحبات جٷرگٸزٸپ, كٶكەيكەستٸ سۇراقتارعا جاۋاپ بەرگەن باس مٷفتيگە, اتىراۋ قالاسىنىڭ يمامدارىنا العىسىن بٸلدٸردٸ.
دەستٷرلٸ ەمەس دٸني اعىمنىڭ زييانى تٷسٸندٸرٸلگەن كەزدەسۋ ەركٸن پٸكٸر الماسۋ فورماتىندا ٶتتٸ.
