Qazaqstan musylmandary dini basqarmasynyń tóraǵasy Naýryzbai qajy Taǵanuly Atyraý oblysyna jasaǵan resmi saparynda "Imanǵali" meshitinde azamattarmen dástúrli emes dini aǵymdardyń ziiany týraly túsindirý jumysyn júrgizdi, dep habarlady QMDB baspasóz qyzmeti.
Bas múfti azamattardyń aqida, fiqh máselesi boiynsha qoiǵan suraqtaryna jaýap berdi. Birneshe saǵatqa sozylǵan jeke yqpal etý is-sharasynda Naýryzbai qajy Taǵanuly jamaǵatpen birge bolýdyń, Ábý Hanifa mázhaby men Mátýridi senimin ustanýdyń mańyzyn keńinen túsindirip berdi. Sonymen qatar salt pen dástúrge, qoǵamda qalyptasqan qundylyqtarǵa qurmetpen qaraýǵa úndedi.
Kezdesý nátijesinde jergilikti azamattar dini senim men ustanym boiynsha shalys basqan qadamdaryna, durys emes baǵytta jazylǵan dini kitaptardan bilmestikpen aqparat alyp qoiǵanyna ókinetinderin jetkizdi. Sonymen qatar ashyq suhbat júrgizip, kókeikesti suraqtarǵa jaýap bergen Bas múftige, Atyraý qalasynyń imamdaryna alǵysyn bildirdi.
Dástúrli emes dini aǵymnyń ziiany túsindirilgen kezdesý erkin pikir almasý formatynda ótti.
