اتىراۋدا جىل باسىنان بەرٸ براكونەرلەردەن 1 توننا 712 كەلٸ بالىق تەركٸلەندٸ, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, جايىق ٶزەنٸ مەن كاسپيي تەڭٸزٸندە مۇز قاتقالى بەرٸ بٸرنەشە رەت رەيدتٸك ٸس-شارا ٶتكٸزٸلگەن. ماقسات – بالىق قورىنا زاڭسىز قول سۇعۋشىلاردى انىقتاۋ.
«پوليتسييا قىزمەتكەرلەرٸ رەيدتٸك شارالار كەزٸندە براكونەرلەردەن 1 توننا 712 كەلٸ قارا بالىق تاۋىپ, تەركٸلەدٸ. زاڭسىز بالىق اۋلاۋشىلاردان 20 موتوتسيكل مەن 2 اۆتوكٶلٸك الىندى. قازٸر قۇقىق بۇزۋشىلارعا قاتىستى سوتقا دەيٸنگٸ تەرگەۋ جٷرگٸزٸلٸپ جاتىر» دەپ حابارلادى دەپارتامەنتتٸڭ باسپاسٶز قىزمەتٸ.
سونداي-اق, «Chevrolet NIVA» قىزمەتتٸك اۆتوكٶلٸگٸ توقتاتىلىپ, زاڭسىز اۋلانعان 300 كەلٸ سازان تەركٸلەنگەن. كٶلٸك ارنايى ايىپ تۇراعىنا قويىلعان.
ەسكە سالا كەتەلٸك, بۇدان بۇرىن اتىراۋدا بالىق قورعاۋ زاڭناماسىن بۇزعاندارعا 20 ملن تەڭگەدەن استام ايىپپۇل سالىنعانىن جازعان بولاتىنبىز.
