Atyraýda jyl basynan beri brakonerlerden 1 tonna 712 keli balyq tárkilendi, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, Jaiyq ózeni men Kaspii teńizinde muz qatqaly beri birneshe ret reidtik is-shara ótkizilgen. Maqsat – balyq qoryna zańsyz qol suǵýshylardy anyqtaý.
«Politsiia qyzmetkerleri reidtik sharalar kezinde brakonerlerden 1 tonna 712 keli qara balyq taýyp, tárkiledi. Zańsyz balyq aýlaýshylardan 20 mototsikl men 2 avtokólik alyndy. Qazir quqyq buzýshylarǵa qatysty sotqa deiingi tergeý júrgizilip jatyr» dep habarlady departamenttiń baspasóz qyzmeti.
Sondai-aq, «Chevrolet NIVA» qyzmettik avtokóligi toqtatylyp, zańsyz aýlanǵan 300 keli sazan tárkilengen. Kólik arnaiy aiyp turaǵyna qoiylǵan.
Eske sala ketelik, budan buryn Atyraýda balyq qorǵaý zańnamasyn buzǵandarǵa 20 mln teńgeden astam aiyppul salynǵanyn jazǵan bolatynbyz.
