اتىراۋ وبلىسىنا جۇمىس ساپارى بارىسىندا پرەمەر-مينيستردٸڭ ورىنباسارى بەردٸبەك ساپارباەۆ ايماق جاستارىمەن جەنە مۇعالٸمدەر قاۋىمىمەن كەزدەستٸ, دەپ حابارلايدى "ۇلت اقپارات".
كەزدەسۋدٸ اشقان قر اقپارات جەنە قوعامدىق دامۋ ۆيتسە-مينيسترٸ دانييار ەسين اتىراۋ وبلىسىندا مەملەكەتتٸك باعدارلامالاردى جٷزەگە اسىرۋدىڭ وڭ كٶرسەتكٸشتەرٸن اتاپ ٶتتٸ.
ٶڭٸردٸڭ بەلسەندٸ جاستارى جاستار ساياساتىنا قاتىستى مەسەلەلەرگە نازار اۋداردى. مەملەكەت تاراپىنان جاستارعا قولداۋ كٶرسەتۋ جايلى ايتىلدى. قاتىسۋشىلاردىڭ بٸرٸ ۆولونتەرلەر مەسەلەسٸن كٶتەردٸ. پرەزيدەنت قاسىم-جومارت توقاەۆتىڭ تاپسىرماسى بويىنشا 2020 جىل ۆولونتەر جىلى بولىپ جارييالاندى. بٸراق بۇل قاتارعا كوللەدج ستۋدەنتتەرٸ كٸرە المايدى.
بەردٸبەك ساپارباەۆ بٸلٸم جەنە عىلىم مينيسترلٸگٸنە وسى مەسەلەنٸ قاراۋعا تاپسىرما بەرەتٸنٸن ايتتى. ەلباسى جاستار ساياساتىن دامىتۋعا ٷنەمٸ كٶڭٸل بٶلٸپ كەلدٸ.
ۆيتسە-پرەمەر ۆولونتەر جىلى جاستار جىلىنىڭ لوگيكالىق جالعاسى بولاتىنىن اتاپ ٶتتٸ. الدا جاستار باستامالارىن قولداۋ باعىتىندا ٷلكەن جۇمىستار تۇر.
اتىراۋ وبلىسىنىڭ ەكٸمٸ نۇرلان نوعاەۆ تا ٶز پٸكٸرٸن بٸلدٸردٸ. «ۆولونتەرلار قوزعالىسى – بۇل بورىش, ونى ىقىلاسپەن اتقارۋ كەرەك. ٶزٸڭدٸ جىلىتۋ ارقىلى ٶزگەلەرگە سەۋلە سىيلا, قايتارىمىن كٷتپە دەگەن سٶز بار. اتىراۋدا نەگٸزگٸ قىزمەتٸ بار, بٸراق بوس ۋاقىتىندا جەدەل جەردەمگە بارىپ, ادامدارعا كٶمەكتەسەتٸن جٸگٸت بار. ناعىز ۆولونتەرلىق – وسى», - دەدٸ نۇرلان نوعاەۆ
كەزدەسۋگە ستۋدەنتتەر, جاس كەسٸپكەرلەر مەن ۆولونتەرلار جينالدى. قاتىسۋشىلاردىڭ بٸرٸ بيزنەستەگٸ العاشقى قادامى جايىندا ايتتى. جاستار ۆيتسە-پرەمەرگە ٶزدەرٸنٸڭ العاشقى جەتٸستٸكتەرٸ تۋرالى باياندادى. ساپارباەۆ ٶز كەزەگٸندە ارمان جولىندا مٷمكٸندٸكتەردٸ جٸبەرٸپ الماۋعا كەڭەس بەردٸ.
ۆيتسە-پرەمەر جاستاردى ەڭبەك پەن بٸلٸمگە تالپىنۋعا, جات اعىمدار جەتەگٸندە كەتپەي, بيزنەس نەگٸزدەرٸن مەڭگەرٸپ, مەملەكەتتٸك قولداۋ باعدارلامالارىن ماقساتتى پايدالانۋعا شاقىردى.
بەردٸبەك ساپارباەۆ ەلٸمٸزدەگٸ جاستار قوزعالىسىنىڭ ماڭىزدىلىعىن اتاپ ٶتٸپ, دەستٷرٸمٸزدٸ ۇمىتپاۋ كەرەكتٸگٸنە توقتالدى. بولاشاقتاعى ٶركەندەۋٸمٸزدٸڭ نەگٸزٸ دە وسى بولماق.
ٶسكەلەڭ ۇرپاقتىڭ مەسەلەلەرٸ وبلىستىق دارىندى بالالارعا ارنالعان ۇلتتىق گيمنازيياداعى وقىتۋشىلار قۇرامىمەن بولعان كەزدەسۋدە دە قوزعالدى. بەردٸبەك ساپارباەۆ تەربيە مەسەلەسٸنە توقتالدى.
«وتباسى تەربيەسٸ, مەدەني, مورالدىق-ادامگەرشٸلٸك قۇندىلىقتارىنا قاتىستى دا پروبلەمالار بار. مۇنى اشىق تٷردە شەشۋ كەرەك. وسى باعىتتا پەداگوگتەردٸڭ كٶمەگٸ كەرەك», - دەدٸ ول.
كەزدەسۋدە سٶيلەگەن قر بٸلٸم جەنە عىلىم مينيسترٸ اسحات ايماعامبەتوۆ پەداگوگ مەرتەبەسٸ تۋرالى زاڭ اياسىندا قانداي جوسپارلار بارىن ايتتى. مۇعالٸمدەر ەندٸ ٶزدەرٸن سەنٸمدٸ سەزٸنەتٸن بولادى. دايىندالعان زاڭ جوباسى مەملەكەت باسشىسى قويعان ورتا بٸلٸم بەرۋ جٷيەسٸن دامىتۋ, بٸلٸم ساپاسىن كٶتەرۋ بويىنشا مٸندەتتەرگە جاۋاپ بەرەدٸ. زاڭ جوباسىن دايىنداۋدىڭ باستى يدەياسى مۇعالٸمدەردٸڭ جٷكتەمەسٸن قىسقارتىپ, تيەسٸلٸ ەمەس مٸندەتتەردٸ اتقارۋدان قورعاۋ, بوس ۋاقىتتارىن ٶزدەرٸن دامىتۋعا, شىعارماشىلىققا ارناۋعا نەگٸزدەلگەن.
«بٸز مۇندا مۇعالٸمدەردٸڭ مەسەلەلەرٸن شەشۋ ٷشٸن جينالدىق. مەسەلە – بٸلٸم ساپاسىندا. ەگەر بٸلٸم بەرۋ ساپالى بولماسا, تەربيە پروتسەسٸ دە بولمايدى, بۇل بٸزگە پايدالى ما? بالالارىمىزدى وتانسٷيگٸشتٸككە, ٷلكەندەردٸ قۇرمەتتەۋگە, بٸلٸم مەن ەڭبەككە تەربيەلەۋٸمٸز كەرەك», - دەدٸ بەردٸبەك ساپارباەۆ. پرەمەر-مينيستر ورىنباسارى اتىراۋ وبلىسىندا بۇل باعىتتا كٶپ جۇمىس جٷرٸپ جاتقانىن اتاپ ٶتتٸ.
«مەملەكەت باسشىسى قويعان مٸندەتتەردٸڭ بەرٸن ورىندايمىز. ەكٸ جىل بۇرىن وبلىستىق بيۋدجەتتەن مەكتەپ تٷلەكتەرٸنە 221 گرانت بٶلٸندٸ. ونىڭ 176-سى بٸلٸم بەرۋ سالاسىندا, ٶتكەن جىلى 150-دەن استام گرانت بەرٸلدٸ.بٸراق ەلٸ كٷنگە دەيٸن باستاۋىش سىنىپتار مەن ورىس تٸلٸ مۇعالٸمدەرٸ جەتٸسپەيدٸ. بۇل پروبلەما شەشٸلەدٸ.ٷش اۋىسىمدىق مەكتەپتەر مەسەلەسٸن شەشۋ ٷشٸن 9 مەكتەپ سالۋىمىز كەرەك. بيىل 2 مەكتەپ سالدىق. التى مەكتەپتٸڭ قۇرىلىسى جٷرٸپ جاتىر. ٷش مەكتەپتٸڭ جوبالاۋ-سمەتالىق قۇجاتتاماسى جاسالۋدا», - دەپ اتاپ ٶتتٸ نۇرلان نوعاەۆ.
