اتىراۋدا ەيەل مەن ونىڭ قىزدارى وتاعاسىن ٶلتٸرٸپ, تۋىسقاندارىن "ول تاياۋ شىعىسقا جيھادقا اتتاندى" دەپ سەندٸرٸپ كەلگەن, دەپ حابارلايدى Sputnik قازاقستان.
جانتٷرشٸگەرلٸك قىلمىس تۋرالى اتىراۋلىق ۆيكتورييا شامشودينا فەيسبۋكتەگٸ پاراقشاسىندا جازدى.
قىزدىڭ ايتۋىنشا, 2012 جىلى ەكەسٸنٸڭ تۋعان باۋىرى, ياعني اعاسى ٸز-تٷسسٸز جوعالىپ كەتكەن. ەر ادامنىڭ ەيەلٸ مەن قىزدارى ونىڭ جات اعىمعا كٸرٸپ, شەت ەلگە جيھادقا اتتانعانىن ايتىپ, تۋىسقاندارىن وسىعان سەندٸرگەن.
الايدا پوليتسييا ارادا بٸرنەشە جىل ٶتسە دە, تەرگەۋدٸ توقتاتپاعان. بٸردە جوعالعان ەر ادامنىڭ ەيەلٸ مەن قىزدارى پوليتسيياعا تاعى بٸر مەرتە شاعىم تٷسٸرگەندە, ٶتٸرٸكتٸڭ بەتٸ اشىلادى. حابارسىز كەتكەن ەر ادامنىڭ وتباسى تۋىسقاندارىن اقشا بوپسالادى دەپ ايىپتاعان.
وسى ارىزدان كەيٸن ۇستالعان جٸگٸت پوليتسيياعا بار شىندىقتى ايتادى. ول جوعالعان ەر ادامنىڭ شىن مەنٸندە شەتەلگە كەتپەگەنٸن, ونى ەيەلٸ مەن تۋعان قىزدارى ٶلتٸرٸپ, دەنەسٸن بٶلشەكتەپ, ٷي اۋلاسىنداعى دۋشتىڭ استىنا كٶمٸپ, ٷستٸنە بەتون قۇيىپ تاستاعانىن مەلٸمدەگەن.
پوليتسييا بۇل اقپاراتتى تەكسەرٸپ, مۇنىڭ شىندىق ەكەنٸنە كٶز جەتكٸزەدٸ. قۇقىق قورعاۋ ورگاندارىنىڭ قىزمەتكەرلەرٸ اۋلاداعى دۋشتى بۇزىپ, جەردٸڭ استىنان ادام دەنەسٸنٸڭ سٷيەكتەرٸن تاپقان. ەزٸرگە پوليتسەيلەر ونىڭ ناقتى كٸمدٸكٸ ەكەنٸن ايتۋعا اسىقپايدى – ساراپتاما نەتيجەسٸن كٷتٸپ وتىر.
"اتالعان فاكتٸگە قاتىستى سوتقا دەيٸنگٸ تەرگەۋدٸڭ باستالعانىنا بٸراز بولدى. ٸس فيگۋرانتتارى انىقتالىپ, ۇستالدى", — دەپ مەلٸمدەدٸ اتىراۋ وبلىسى ٸشكٸ ٸستەر دەپارتامەنتٸ.
تەرگەۋ مٷددەسٸنە بايلانىستى وقيعانىڭ تولىق مەن-جايى حابارلانباي وتىر. ۆەدومستۆو تەرگەۋ شارالارى اياقتالعان سوڭ, قوسىمشا اقپارات تاراتامىز دەپ سەندٸردٸ.
