اتىراۋ وبلىسىندا ەلەكتر جەلٸلەرٸندە بولعان اپاتتى جاعدايلاردى جويۋ جۇمىستارى جٷرگٸزٸلٸپ جاتىر. بۇل تۋرالى قر ەنەرگەتيكا مينيسترلٸگٸنەن مەلٸم ەتتٸ, دەپ حابارلايدى قازاقپارات.
«27 شٸلدەدە ساعات 18:08-دە اتىراۋ وبلىسىندا اۋا رايىنىڭ قولايسىزدىعى (جاڭبىر, نايزاعاي, داۋىلدى جەل) سەبەبٸنەن «قۇرمانعازى» مۇناي ايداۋ ستانتسيياسىن قورەكتەندٸرەتٸن باعاناداعى 220 كۆ-تىق 2 ەلەكتر جەلٸسٸ (ەج) بٸر مەزگٸلدە ٶشٸپ قالدى. ەج «قازاقستاننىڭ كاسپيي قۇبىر كونسورتسيۋمى» اق-نىڭ تەڭگەرٸمٸندە. ەلەكتر بەرۋ جەلٸلەرٸنٸڭ قۇلاعان باعانالارى تابىلدى. بۇل «قازاقستاننىڭ كاسپيي قۇبىر كونسورتسيۋمى» اق-نى ەنەرگييامەن قامتۋدا 16 مۆت-قا دەيٸن شەكتەۋگە ەكەلدٸ.
سونداي-اق اتىراۋ مۇناي ٶڭدەۋ زاۋىتىندا قورەكتەندٸرۋشٸ جەلٸلەردٸڭ ٸسكە قوسۋ تەتٸكتەرٸ دە ٶشٸپ قالدى.
«Karabatan Utility Solution» ەلەكتر ستانتسيياسىنىڭ ەنەرگييا جٷيەسٸمەن بايلانىس جەلٸلەرٸ ٶشٸپ قالىپ, سالدارىنان ەلەكتر ستانتسيياسى گەنەراتسييانى نٶلگە دەيٸن تٶمەندەتتٸ.
قازٸرگٸ ۋاقىتتا تەحنولوگييالىق بۇزۋشىلىقتاردى جويۋ بويىنشا جۇمىستار جٷرگٸزٸلۋدە», - دەلٸنگەن مينيسترلٸك حابارلاماسىندا.
ەسكە سالايىق, بٷگٸن كەشكە اتىراۋ مۇناي ٶڭدەۋ زاۋىتىندا ەلەكتر ەنەرگيياسى سٶنگەن بولاتىن.
«KEGOC» اق ەلەكتر قۋاتىن جوسپاردان تىس توقتاتىپ تاستادى. سونىڭ سالدارىنان اتىراۋ مۇناي ٶڭدەۋ زاۋىتىندا ەلەكتر قۋاتى بولمادى. وسىعان بايلانىستى زاۋىت جۇمىسى اۆارييالىق جاعدايدا توقتاتىلدى. تٶتەنشە جاعدايدىڭ الدىن الۋ ٷشٸن سىرتقى ەلەكترمەن جابدىقتاۋ جٷيەسٸ تولىق تۇراقتانعانشا, زاۋىتتىڭ وتىن جەلٸسٸ تەحنولوگييالىق رەگلامەنتكە سەيكەس الاۋ جٷيەسٸنە باعىتتالادى. «KEGOC» اق-نىڭ ەلەكتر بەرۋدٸ توقتاتۋى جوسپاردان تىس بولىپ وتىر. بۇل ٶندٸرٸستٸڭ جۇمىسىنا كەرٸ ەسەر ەتەدٸ», - دەلٸنگەن ەدٸ زاۋىت مەلٸمەتٸندە.
