اتىراۋ وبلىسى يساتاي اۋدانىندا كاسپيي تەڭٸزٸنٸڭ جاعالاۋىندا 500 ورىندىق وقۋ-ساۋىقتىرۋ لاگەرٸ سالىنادى. بۇل تۋرالى بٷگٸن اتىراۋ وبلىسىنىڭ ەكٸمٸ نۇرلان نوعاەۆتىڭ حالىققا ەسەپ بەرۋ جيىنىندا ايتىلدى.
مۇنداي دەڭگەيدەگٸ نىسان وبلىستا العاش رەت سالىنعالى وتىر. جوبا نوبايىنا قاراپ-اق ونىڭ كٶلەمٸن باعالاۋعا بولادى. لاگەر اۋماعى بٸرنەشە ايماققا بٶلٸنەدٸ. ەكٸمشٸلٸك ايماقتا قىزمەتكەرلەر جاتاقحاناسى, ەكٸمشٸلٸك عيمارات, مەديتسينالىق بٶلٸمشە ورنالاسادى.
اۋماقتا بالالار ورتالىعى, كينوزال, جاتتىعۋ زالى, كٸتاپحانا مەن بالالار شىعارماشىلىعىنا ارنالعان بٸرنەشە ٷيٸرمەلەر بولادى مۇندا بالالار جاس ناتۋراليستەر ستانساسىندا جاتتىعا الادى.
سپورت ايماعىندا فۋتبول, باسكەتبول, ۆولەيبول الاڭدارى, تەننيس كورتى, ٷستەل تەننيسٸ الاڭى, سكالودروم الاڭى, ەر تٷرلٸ كٶشە جاتتىعۋ قۇرىلعىلارى, بادمينتون, ۆوركاۋت الاڭدارى بولادى. جاعاجاي قۇبىلمالى تەرەڭدٸكتەگٸ اشىق باسسەينمەن, ساياباق, روللەدروم, سكەيتدروممەن جابدىقتالادى. ۆەلوسيپەدپەن سەرۋەندەپ, تاڭەرتەڭ جٷگٸرگٸسٸ كەلەتٸندەر ٷشٸن جٷگٸرەتٸن جول مەن ەكٸ جولاقتى ۆەلوسيپەد جولى قاراستىرىلعان.
لاگەردٸ كٶگالداندىرۋ جۇمىستارى تۇزدى توپىراق جاعدايىندا ٶسٸرۋگە جارامدى اعاش-بۇتالى كٶشەتتەر مەن ارنايى اعاش كەسپەكتەر وتىرعىزۋ ەدٸسٸمەن جٷرگٸزٸلەدٸ. وسى لاگەر قۇرىلىسى اتىراۋ وبلىسى حالقىنا كاسپيي تەڭٸزٸنٸڭ جاعالاۋىنا ٶركەنيەتتٸ تٷردە شىعۋعا جول اشادى. لاگەر قۇرىلىسى جەر قويناۋىن پايدالانۋشىلاردىڭ ەلەۋمەتتٸك اۋدارىمدارى ەسەبٸنەن جٷرگٸزٸلەدٸ. قۇرىلىس 2018 جىلى باستالادى دەپ جوسپارلانىپ وتىر.
– لاگەر قۇرىلىسى, اتالعان جەردە ينجەنەرلٸك-كوممۋنيكاتسييالىق ينفراقۇرىلىم جٷرگٸزۋ شاعىن جەنە ورتا بيزنەس سۋبەكتٸلەرٸنە شاعىن قوناقٷيلەر, دەمالىس بازاسى, تاماقتانۋ ورنى سەكٸلدٸ جاڭا دەمالىس ورىندارىن اشۋعا, ال تۇرعىندارعا, قوناقتار مەن تۋريستەرگە كاسپيي تەڭٸزٸنٸڭ جاعالاۋىندا تولىققاندى دەمالۋعا مٷمكٸندٸك بەرەدٸ, – دەدٸ نۇرلان نوعاەۆ.
ايتا كەتۋ كەرەك, وسىنداي نىساندار سالۋ مۋلتيپليكاتيۆتٸك نەتيجە بەرەدٸ – جاڭا جۇمىس ورىندارىن قۇرۋ, شوب سۋبەكتٸلەرٸن كٶبەيتۋ, سىرتقى جەنە ٸشكٸ تۋريزمدٸ دامىتۋ – بۇل جۇمىستار ەلباسى تاپسىرماسىنىڭ اياسىندا جاسالۋدا. سونىمەن قاتار, قازٸرگٸ ۋاقىتتا بەسٸكتٸ اۋىلىندا 300 ورىندىق بالالارعا ارنالعان ەمدەۋ-ساۋىقتىرۋ لاگەرٸنٸڭ جسق –سى جاساقتالۋدا.
