اتىراۋ وبلىستىق ەكٸمدٸگٸنٸڭ بٷلٸنگەن عيماراتى قالپىنا كەلتٸرٸلدٸ, دەپ حابارلايدى قازاقپارات.
وبلىستىق قارجى باسقارماسىنىڭ باسشىسى ازامات سەلٸمباەۆتىڭ ايتۋىنشا, تەرتٸپسٸزدٸك كەزٸندە ەكٸمدٸك عيماراتىنا كەلتٸرٸلگەن شىعىن كٶلەمٸ 6 ميلليون تەڭگەنٸ قۇراعان.
«عيماراتتىڭ سىنعان 11 تەرەزەسٸن قالپىنا كەلتٸرۋگە 2,5 ميلليون تەڭگە جۇمسالدى. وبلىستىق ەكٸمدٸك عيماراتىنان بٸرنەشە نوۋتبۋك, كٸرەبەرٸستە تۇرعان مەملەكەتتٸك تۋ ۇرلانعان. كابەلدەر بٷلٸنگەن. كابينەتتەردٸڭ ەسٸكتەرٸ زاقىمدانعان. كەلتٸرٸلگەن زيياننىڭ بٸر بٶلٸگٸ قولدا بار قورلار ەسەبٸنەن ٶتەلدٸ», - دەيدٸ ازامات سەلٸمباەۆ.
سونداي-اق «يساتاي-ماحامبەت» ورتالىق الاڭى بٷلٸنگەن. الاڭعا كەلتٸرٸلگەن شىعىن 3 ميلليون تەڭگەگە باعالانعان. قازٸر الاڭدا قالپىنا كەلتٸرۋ جۇمىستارى اياقتالۋعا تايالدى.
