Atyraý oblystyq ákimdiginiń búlingen ǵimaraty qalpyna keltirildi, dep habarlaidy QazAqparat.
Oblystyq qarjy basqarmasynyń basshysy Azamat Sálimbaevtyń aitýynsha, tártipsizdik kezinde ákimdik ǵimaratyna keltirilgen shyǵyn kólemi 6 million teńgeni quraǵan.
«Ǵimarattyń synǵan 11 terezesin qalpyna keltirýge 2,5 million teńge jumsaldy. Oblystyq ákimdik ǵimaratynan birneshe noýtbýk, kireberiste turǵan Memlekettik tý urlanǵan. Kabelder búlingen. Kabinetterdiń esikteri zaqymdanǵan. Keltirilgen ziiannyń bir bóligi qolda bar qorlar esebinen óteldi», - deidi Azamat Sálimbaev.
Sondai-aq «Isatai-Mahambet» ortalyq alańy búlingen. Alańǵa keltirilgen shyǵyn 3 million teńgege baǵalanǵan. Qazir alańda qalpyna keltirý jumystary aiaqtalýǵa taialdy.
