پارلامەنت مەجٸلٸسٸنٸڭ جالپى وتىرىسىندا دەپۋتات ارتۋر پلاتونوۆ بارلىق دەڭگەيدەگٸ اتتراكتسيوندارعا جٷيەلٸ قاداعالاۋدى قامتاماسىز ەتۋدٸ سۇرادى, دەپ حابارلايدى قازاقپارات.
«قاراعاندىدا ەكٸ بالانىڭ اناسى «تارزانكادان» سەكٸرٸپ كٶز جۇمدى. كەشە بۇقارالىق اقپارات قۇرالدارىندا اتتراكتسيون نۇسقاۋشىسى ۇستالعانى حابارلاندى. «Nur Otan» فراكتسيياسىنىڭ دەپۋتاتتارى دەمالىس ەرٸ ويىن-ساۋىق ساياباقتارىنىڭ, اتتراكتسيونداردىڭ تەحنيكالىق جاعدايىنا, بالالار الاڭدارى قىزمەتٸن باقىلاۋ مەسەلەلەرٸ بويىنشا جٷيەلٸ شارالار قابىلداۋ ٷشٸن بۇعان دەيٸن بٸرنەشە رەت ٷكٸمەتكە ٷندەۋ جاساعان ەدٸ», - دەدٸ ا. پلاتونوۆ پرەمەر-مينيستردٸڭ ورىنباسارى رومانا سكلياردىڭ اتىنا جولداعان ساۋالىندا.
وسى ورايدا ول قايعىلى وقيعالاردى تەكسەرۋ كەزٸندە اتالعان جابدىقتاردى ورناتۋدا ەرەجەنٸ ٶرەسكەل بۇزۋ فاكتٸلەرٸ انىقتالىپ وتىراتىنىن ايتتى. ٶز كەزەگٸندە جەرگٸلٸكتٸ اتقارۋشى ورگاندار اتالعان جابدىقتاردى ورناتۋعا رۇقسات بەرمەگەنٸن نەمەسە باسقا دا تٷسٸنٸكتەمەلەردٸ ايتىپ اقتالىپ جاتادى.
دەپۋتاتتىڭ ايتۋىنشا, اتتراكتسيونداردى ماۋسىم الدىندا جەنە جوسپارلى تەكسەرۋدٸ جٷرگٸزۋ تەرتٸبٸنٸڭ ەسەبٸ مەن باقىلاۋى بولماي تۇر.
«اتتراكتسيوندار ەسەپكە قويىلۋى تيٸس. الايدا ەل بويىنشا قانشا نىسان ەسەپكە قويىلماعان? رەگلامەنتتە تاپسىرىلعانداي, قۇرىلعان كوميسسييالار تاراپىنان قانشاسى تەكسەرٸلدٸ? اتتراكتسيونداردىڭ بارشاسىنا قاجەتتٸ اكتٸلەر جاسالدى ما? قۇرىلعان نورماتيۆتٸك بازاعا قاراماستان, ەلدەگٸ جاعداي ٶزگەرە قويمادى. وسىنداي نىسانداردا بالالار مەن ەرەسەكتەر قايعىلى جاعدايعا تاپ بولىپ جاتىر, ياعني بۇل تۇرعىدا جاۋاپكەرشٸلٸكتٸڭ جوق ەكەنٸن كٶرٸپ تۇرمىز», - دەدٸ دەپۋتات.
بۇل تۇرعىدا دەپۋتاتتار كەلەسٸ ۇسىنىستاردى ايتتى:
1. بارلىق دەڭگەيدە جٷيەلٸ باقىلاۋدى قامتاماسىز ەتۋ مىڭىزدى. بۇل رەتتە بالالار مەن ەرەكسەكتەردٸڭ قاۋٸپسٸزدٸگٸنە, جابدىقتىڭ ساپاسىنا جەكەلەي جاۋاپكەرشٸلٸكتٸ بەكٸتۋ;
2. وسى سالادا باقىلاۋعا جاۋاپ بەرەتٸن شەنەۋنٸكتەردٸ جازاعا تارتۋ;
3. ەر ٶڭٸر بويىنشا اتتراكتسيونداردى ليتسەنزييالاۋ تۋرالى مەلٸمەتتەردٸ بەرٸپ, ەكٸمدٸك ايقىنداعان ناقتى لاۋازىم يەلەرٸن كٶرسەتۋ.
ەسكە سالا كەتەيٸك, جاقىندا قاراعاندىدا 25 مەتر بيٸكتٸكتەن «تارزانكادان» سەكٸرگەن ەيەل كٶز جۇمدى.
12 قازان كٷنٸ قاراعاندىدا قوناقٷيدٸڭ شاتىرىنا ورناتىلعان اتتراكتسيوندا ەيەلدٸڭ قازا بولۋ ٸسٸنە بايلانىستى كٷدٸكتٸ ۇستالدى.
