مامىر ايىندا باستالاتىن اتتەستاتاۋدان ٶتە الماعان مۇعالٸمنٸڭ سىناقتى جىلىنا 2 رەت قايتا تاپسىرۋعا مٷمكٸندٸگٸ بولادى. بۇل تۋرالى بٷگٸن قر بٸلٸم جەنە عىلىم مينيسترلٸگٸنٸڭ مەكتەپكە دەيٸنگٸ جەنە ورتا بٸلٸم دەپارتامەنتٸنٸڭ ديرەكتورى شولپان كارينوۆا ايتتى, دەپ حابارلايدى قازاقپارات تٸلشٸسٸ.
«پەداگوگ كادرلاردىڭ بٸلٸكتٸلٸگٸن, ساناتتارىن تاعايىنداۋ, راستاۋ ٷشٸن جاڭا اتتەستاتسييانى ەكٸ كەزەڭدە ٶتكٸزۋ جوسپارلانۋدا. بٸرٸنشٸ كەزەڭ ۇلتتىق بٸلٸكتٸلٸك تەستٸ وقىتۋ پەنٸنٸڭ مازمۇنىنا جەنە وقۋ-ەدٸستەمەسٸ, پەداگوگيكا مودۋلدەرٸ بويىنشا 26 مامىردان 5 ماۋسىم ارالىعىندا ٶتەدٸ. ەكٸنشٸ تەستٸلەۋ بيىلعى جىلدىڭ 1-10 قاراشاسى ارالىعىنا جوسپارلانعان», - دەدٸ ول قر بٸلٸم جەنە عىلىم مينيسترٸ ەرلان ساعاديەۆتٸڭ حالىقپەن ەسەپتٸك كەزدەسۋٸ بارىسىندا.
ونىڭ ايتۋىنشا, تەستتە كەلەتٸن سۇراقتاردىڭ 70 پايىزى پەندٸك بٸلٸمگە قاتىستى بولسا, 30 پايىزى پەدگوگيكا مەن ەدٸستەمە مەسەلەلەرٸن قامتيدى.
«ەكٸنشٸ كەزەڭدە قىزمەت نەتيجەلەرٸنە كەشەندٸ تالدامالىق قورىتىندى جاسالادى. بۇل اعىمداعى جىلدىڭ 31 شٸلدەسٸندە نەمەسە ەكٸنشٸ كەزەڭٸ 15 جەلتوقساندا ٶتكٸزٸلەدٸ. جاڭا جٷيە مەن ەسكٸ جٷيەنٸڭ اراسىنداعى باستى ايىرماشىلىق مۇعالٸم جۇمىسىن ىنتالاندىرۋ بولىپ تابىلادى. اتتەستاتسييالاۋدان بارلىق ٶتٸنٸش بٸلدٸرۋٸشٸلەر ٶتە الادى. ەگەر اتتەستاتسييالاۋدان ٶتە الماعان مۇعالٸمدەر بار بولاتىن بولسا, ولاردىڭ قايتا اتتەستاتتسييالاۋدان ٶتۋٸنە جىلىنا 2 رەت مٷمكٸنشٸلٸگٸ بار», - دەدٸ شولپان كارينوۆا.
بۇعان دەيٸن مۇعالٸمدەردٸ اتتەستاتسييادان ٶتكٸزۋدٸڭ جاڭا جٷيەسٸ دايىندالعانىن حابارلاعان بولاتىنبىز.
