Mamyr aiynda bastalatyn attestataýdan óte almaǵan muǵalimniń synaqty jylyna 2 ret qaita tapsyrýǵa múmkindigi bolady. Bul týraly búgin QR Bilim jáne ǵylym ministrliginiń Mektepke deiingi jáne orta bilim departamentiniń direktory Sholpan Karinova aitty, dep habarlaidy QazAqparat tilshisi.
«Pedagog kadrlardyń biliktiligin, sanattaryn taǵaiyndaý, rastaý úshin jańa attestatsiiany eki kezeńde ótkizý josparlanýda. Birinshi kezeń ulttyq biliktilik testi oqytý pániniń mazmunyna jáne oqý-ádistemesi, pedagogika modýlderi boiynsha 26 mamyrdan 5 maýsym aralyǵynda ótedi. Ekinshi testileý biylǵy jyldyń 1-10 qarashasy aralyǵyna josparlanǵan», - dedi ol QR Bilim jáne ǵylym ministri Erlan Saǵadievtiń halyqpen eseptik kezdesýi barysynda.
Onyń aitýynsha, testte keletin suraqtardyń 70 paiyzy pándik bilimge qatysty bolsa, 30 paiyzy pedgogika men ádisteme máselelerin qamtidy.
«Ekinshi kezeńde qyzmet nátijelerine keshendi taldamalyq qorytyndy jasalady. Bul aǵymdaǵy jyldyń 31 shildesinde nemese ekinshi kezeńi 15 jeltoqsanda ótkiziledi. Jańa júie men eski júieniń arasyndaǵy basty aiyrmashylyq muǵalim jumysyn yntalandyrý bolyp tabylady. Attestatsiialaýdan barlyq ótinish bildirýishiler óte alady. Eger attestatsiialaýdan óte almaǵan muǵalimder bar bolatyn bolsa, olardyń qaita attestattsiialaýdan ótýine jylyna 2 ret múmkinshiligi bar», - dedi Sholpan Karinova.
Buǵan deiin muǵalimderdi attestatsiiadan ótkizýdiń jańa júiesi daiyndalǵanyn habarlaǵan bolatynbyz.
