كٶلٸك پوليتسەيلەرٸ اتباسارداعى زاۋىت ديرەكتورى ورىنباسارىنىڭ تۋعان كٷن كەشٸن تارقاتتى, دەپ حابارلايدى "ۇلت اقپارات" كٶلٸكتەگٸ پوليتسييا دەپارتامەنتٸنە سٸلتەمە جاساپ.
«قۇقىقتىق تەرتٸپ» جەدەل-پروفيلاكتيكالىق شارا بارىسىندا نۇر-سۇلتان ستانتسيياسىنداعى جەلٸلٸك پوليتسييا باسقارماسىنىڭ قىزمەتكەرلەرٸ اتباسار ستانتسيياسى پوليتسييا قىزمەتكەرلەرٸمەن بٸرگە كارانتين كەزٸندە ۇيىمداستىرىلعان تۋعان كٷن شاراسىن توقتاتتى. بۇل تۋرالى ك ٶلٸكتەگٸ پوليتسييا دەپارتامەنتٸ باستىعىنىڭ بٸرٸنشٸ ورىنباسارى قاليجان قوبلاندين ايتتى.
ونىڭ ايتۋىنشا, «قامقور-لوكوموتيۆ» جشس اتباسار ەلەكتروۆوز جٶندەۋ زاۋىتى فيليالى اۋماعىندا ورنالاسقان اسحانادا بٸر توپ ادام اەجز ديرەكتورى ورىنباسارىنىڭ تۋعان كٷنٸن اتاپ ٶتپەك بولعان.
تۋعان كٷن تويلاۋعا 17 ادام كەلگەن, ونىڭ ٸشٸندە جوعارىدا اتالعان كەسٸپورىننىڭ باسشىسى دا بولعان.
مەرەكە توقتاتىلدى. قازٸرگٸ ۋاقىتتا اتالعان فاكتٸ بويىنشا ماتەريال كٶلٸكتەگٸ سانيتارييالىق-ەپيدەميولوگييالىق باقىلاۋ دەپارتامەنتٸنە بەرٸلگەن.
«سونىمەن قاتار, كارانتين كەزٸندە تۋعان كٷن ۇيىمداستىرۋعا رۇقسات بەرگەن اسحانا يەلەرٸ دە ەلدٸڭ باس مەملەكەتتٸك سانيتار دەرٸگەرٸنٸڭ تالاپتارىن ەسكەرمەگەنٸ ٷشٸن, سونداي-اق اقمولا وبلىسى باس مەملەكەتتٸك سانيتار دەرٸگەرٸنٸڭ 10 قاراشاداعى قاۋلىسىن بۇزعانى ٷشٸن تيٸستٸ جاۋاپكەرشٸلٸكككە تارتىلماق», – دەپ تولىقتىردى پوليتسييا پولكوۆنيگٸ.
ەستەرٸڭٸزگە سالا كەتەيٸك, جىل باسىنان بەرٸ كٶلٸك پوليتسەيلەرٸ ەلٸمٸزدٸڭ ەۋە جەنە تەمٸرجول كٶلٸك نىساندارىندا ەكٸمشٸلٸك قۇقىق بۇزعان 39 مىڭنان اسا ازاماتتى انىقتاعان, ونىڭ ٸشٸندە 242 ازامات كارانتيندٸ بۇزعان.
