جامبىل وبلىسىندا قۇتقارۋشىلار اتاسىمەن بٸرگە سۋعا باتىپ كەتكەن 7 جاسار قىزدىڭ دەنەسٸن تاپتى, - دەپ حابارلايدى Massaget.kz.
قايعىلى وقيعا جامبىل وبلىسىندا 23 شٸلدەدە بولعان. تالاس ٶزەنٸنە اتاسىمەن شومىلۋعا بارعان 7 جاسار قىز باتىپ كەتكەن. ال قىزدىڭ اتاسى - 61 جاستاعى ەر ادام جاسٶركەن اۋىلىنىڭ ماڭىنان ٶلٸ تابىلعان. بالانى ٸزدەستٸرۋمەن 74 قۇتقارۋشى جەنە جٷزدەن اسا ەرٸكتٸ, سونداي-اق, جەرگٸلٸكتٸ تۇرعىندار اينالىسقان.
"ساعات 18:10-دا سۋعا باتىپ كەتكەن قىز سەس اۋماعىنان تابىلدى", - دەدٸ وبلىستىق تجد ٶكٸلٸ.
ەسكە سالايىق, 23 شٸلدەدە ساعات 17:30-دا جامبىل وبلىسى جاسٶركەن اۋىلىنىڭ كٸرەبەرٸسٸ, تالاس ٶزەنٸندە وقيعا كۋەگەرلەرٸ 1961 جىلى تۋعان ەر ادامنىڭ مەيٸتٸن تاۋىپ الىپ, سۋدان شىعارعان بولاتىن. سونىمەن قاتار, اتاسىمەن سۋعا شومىلۋعا كەلگەن 2015 جىلعى قىزدى ٸزدەۋ جۇمىستارى باستالعان ەدٸ. قۇتقارۋشىلار بالانى قاراڭعى تٷسكەنشە ٸزدەپ, كەلەسٸ كٷنٸ تاڭعى ساعات 5:30-دا ٸزدەۋدٸ جالعاستىرعان بولاتىن.
