Jambyl oblysynda qutqarýshylar atasymen birge sýǵa batyp ketken 7 jasar qyzdyń denesin tapty, - dep habarlaidy Massaget.kz.
Qaiǵyly oqiǵa Jambyl oblysynda 23 shildede bolǵan. Talas ózenine atasymen shomylýǵa barǵan 7 jasar qyz batyp ketken. Al qyzdyń atasy - 61 jastaǵy er adam Jasórken aýylynyń mańynan óli tabylǵan. Balany izdestirýmen 74 qutqarýshy jáne júzden asa erikti, sondai-aq, jergilikti turǵyndar ainalysqan.
"Saǵat 18:10-da sýǵa batyp ketken qyz SES aýmaǵynan tabyldy", - dedi oblystyq TJD ókili.
Eske salaiyq, 23 shildede saǵat 17:30-da Jambyl oblysy Jasórken aýylynyń kireberisi, Talas ózeninde oqiǵa kýágerleri 1961 jyly týǵan er adamnyń máiitin taýyp alyp, sýdan shyǵarǵan bolatyn. Sonymen qatar, atasymen sýǵa shomylýǵa kelgen 2015 jylǵy qyzdy izdeý jumystary bastalǵan edi. Qutqarýshylar balany qarańǵy túskenshe izdep, kelesi kúni tańǵy saǵat 5:30-da izdeýdi jalǵastyrǵan bolatyn.
