قر قورعانىس جەنە اەروعارىش ٶنەركەسٸبٸ مينيسترٸ بەيبٸت اتامقۇلوۆ تج بولعان كەزدە ينتەرنەت پەن بايلانىستى شەكتەۋ بويىنشا ٷكٸمەت قاۋلىسىنا تٷسٸنٸك بەردٸ, دەپ حابارلايدى قازاقپارات.
«بۇل ستاندارتتى رەسٸمدەر جەنە ولار ەڭ دامىعان ەلدەردە دە قولدانىلادى. بٷگٸندە ينتەرنەت كٶپتەگەن ەلدەردٸڭ ۇلتتىق قاۋٸپسٸزدٸگٸ مەن قورعانىس قابٸلەتٸ مەسەلەلەرٸندە ٷلكەن رٶل وينايدى. سەبەبٸ تيٸستٸ شارالار مەن وپەراتسييالار كەزٸندە, ونىڭ ٸشٸندە ەسكەري ٸس-قيمىلداردا پايدالانىلاتىن جابدىقتار كوممۋنيكاتسييا جٷيەلەرٸمەن جۇمىس ٸستەيدٸ», - تٷسٸندٸردٸ مينيستر مەجٸلٸستٸڭ جالپى وتىرىسىنان كەيٸن تٸلشٸلەرگە بەرگەن جاۋابىندا.
وسى ورايدا, ول قاۋٸپسٸزدٸككە قاتىستى اتقارىلاتىن بارلىق قادامدار بٸرٸنشٸ كەزەكتە مەملەكەتتٸڭ, ۇلتتىق قورعانىستىڭ مٷددەسٸنە قاراي ٸسكە اسىرىلاتىنىن قاداپ ايتتى.
ەسكە سالساق, بۇعان دەيٸن اقپارات جەنە كوممۋنيكاتسييالار مينيسترٸ دەۋرەن اباەۆ تٶتەنشە جاعداي كەزٸندە ينتەرنەت پەن بايلانىستى بۇعاتتاۋ قۇقىعىنا يە مەملەكەتتٸك ورگانداردى بەلگٸلەۋ بويىنشا قر ٷكٸمەتٸنٸڭ قاۋلىسىنا تٷسٸنٸك بەرگەن ەدٸ.
