QR Qorǵanys jáne aeroǵarysh ónerkásibi ministri Beibit Atamqulov TJ bolǵan kezde internet pen bailanysty shekteý boiynsha Úkimet qaýlysyna túsinik berdi, dep habarlaidy QazAqparat.
«Bul standartty rásimder jáne olar eń damyǵan elderde de qoldanylady. Búginde internet kóptegen elderdiń ulttyq qaýipsizdigi men qorǵanys qabileti máselelerinde úlken ról oinaidy. Sebebi tiisti sharalar men operatsiialar kezinde, onyń ishinde áskeri is-qimyldarda paidalanylatyn jabdyqtar kommýnikatsiia júielerimen jumys isteidi», - túsindirdi ministr Májilistiń jalpy otyrysynan keiin tilshilerge bergen jaýabynda.
Osy oraida, ol qaýipsizdikke qatysty atqarylatyn barlyq qadamdar birinshi kezekte memlekettiń, ulttyq qorǵanystyń múddesine qarai iske asyrylatynyn qadap aitty.
Eske salsaq, buǵan deiin Aqparat jáne kommýnikatsiialar ministri Dáýren Abaev tótenshe jaǵdai kezinde internet pen bailanysty buǵattaý quqyǵyna ie memlekettik organdardy belgileý boiynsha QR Úkimetiniń Qaýlysyna túsinik bergen edi.
