قازاقستان پرەزيدەنتٸ قاسىم-جومارت توقاەۆ يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆتى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسىنا يندۋسترييا جەنە ينفراقۇرىلىمدىق دامۋ مينيسترلٸگٸنٸڭ بيىلعى 7 ايدا اتقارعان جۇمىسىنىڭ قورىتىندىسى, سونداي-اق, مەملەكەتتٸك باعدارلامالاردىڭ جٷزەگە اسىرىلۋ بارىسى تۋرالى ەسەپ بەرٸلدٸ.
بەيبٸت اتامقۇلوۆتىڭ ايتۋىنشا, پاندەمييا سالدارىنان تۋىنداعان داعدارىس جاعدايىنا قاراماستان مينيسترلٸككە قاراستى سالالاردا وڭ نەتيجەلەرگە قول جەتكەن. مينيستر بٷگٸندە «نۇرلى جەر» باعدارلاماسى اياسىندا 7 ميلليون شارشى مەتر تۇرعىن ٷي سالىنىپ, 61,3 مىڭ وتباسىنىڭ تۇرمىستىق جاعدايى جاقسارعانىن جەتكٸزدٸ. سونىمەن قاتار «نۇرلى جول» باعدارلاماسى بويىنشا رەسپۋبليكالىق جەنە جەرگٸلٸكتٸ ماڭىزى بار 9,8 مىڭ شاقىرىم جولدىڭ قۇرىلىسى جەنە قايتا جٶندەۋ جۇمىستارى جٷرگٸزٸلٸپ جاتىر.
بۇدان بٶلەك جىل سوڭىنا دەيٸن يندۋسترييالاندىرۋ كارتاسىن جٷزەگە اسىرۋ بويىنشا ەلٸمٸزدٸڭ بارلىق ٶڭٸرلەرٸندە 160 جوبانى ٸسكە قوسۋ جوسپارلانىپ وتىر.
كەزدەسۋ سوڭىندا پرەزيدەنت ٶڭدەۋ ٶنەركەسٸبٸن ودان ەرٸ ىنتالاندىرۋعا جەنە ٸشكٸ نارىقتى تولىق قامتۋ ماقساتىندا ٶڭدەلگەن ٶنٸمدەردٸڭ ٷلەسٸن ارتتىرۋعا قاتىستى بٸرقاتار تاپسىرما بەردٸ. قاسىم-جومارت توقاەۆ بيىل پايدالانۋعا بەرٸلەدٸ دەپ جوسپارلانعان تۇرعىن ٷيلەردٸ ۋاقىتىندا تابىستاۋدىڭ ماڭىزدى ەلەۋمەتتٸك مٸندەت ەكەنٸن ايتتى. سونداي-اق كٶلٸك-ترانزيت ينفراقۇرىلىمىن جاڭعىرتۋ جۇمىستارىن جالعاستىرۋ قاجەتتٸگٸن اتاپ ٶتتٸ.
