ۇلتتىق كەسٸپكەرلەر پالاتاسى كوممەرتسييالىق نىساندى نەمەسە مٷلٸكتٸ جالعا بەرٸپ وتىرعان كەسٸپكەرلەرگە ٶتٸنٸش بٸلدٸرٸپ, ولاردى شاعىن بيزنەس ٶكٸلدەرٸن قولداۋعا شاقىردى, دەپ حابارلايدى قازاقپارات.
«اتامەكەن» ۇلتتىق كەسٸپكەرلەر پالاتاسىنىڭ كەسٸپكەرلەردٸ قۇقىقتىق قورعاۋ دەپارتامەنتٸنٸڭ ديرەكتورى شىڭعىس تەمٸردٸڭ ايتۋىنشا ەكٸ اپتادان بەرٸ پالاتاعا ەرتٷرلٸ مەسەلە بويىنشا كەسٸپكەرلەردەن 11 مىڭ ٶتٸنٸم كەلٸپ تٷسكەن. ەڭ جيٸ تٷسكەن سۇراقتاردىڭ جاۋابىن Atameken.kz سايتىنان تابۋعا بولادى. كەسٸپكەرلەر دەل وسى سايتقا جەنە 1432 قىسقا نٶمٸرٸنە حابارلاسىپ, سۇراقتارىن قالدىرا الادى.
«بيزنەس بٸزگە قانداي مەسەلە بويىنشا جٷگٸنٸپ وتىر? كەسٸپكەرلەردٸ مازالايتىن ماڭىزدى مەسەلەنٸڭ بٸرٸ – جالعا الىنعان نىسان نەمەسە مٷلٸك بويىنشا تٶلەم. ياعني, جالعا الۋشى مەن جالعا بەرۋشٸنٸڭ اراسىنداعى پروبلەما. سۇراقتاردىڭ 60 پايىزىنا جۋىعى وسى مەسەلە تٶڭٸرەگٸندە كەلگەن. ولاردىڭ ٸشٸندە 86 پايىزى شاعىن بيزنەس, 12 پايىزى ورتا جەنە 2 پايىزى ٸرٸ بيزنەس ٶكٸلدەرٸنەن كەلدٸ. 62 پايىزى قىزمەت كٶرسەتۋ سالاسىنىڭ ٶكٸلدەرٸ. ياعني, ەنگٸزٸلگەن شەكتەۋلەردەن زارداپ شەككەندەردٸڭ العاشقى لەگٸندە وسىلار تۇر», - دەدٸ شىڭعىس تەمٸر Facebook پاراقشاسىندا تٸكەلەي ەفيردەن.
دەپارتامەنت ديرەكتورى قانداي جاعدايدا كەسٸپكەر «اتامەكەن» پالاتاسىنا جٷگٸنە الاتىنىن ايتىپ ٶتتٸ.
«پالاتا قازٸر جالعا الۋشى مەن جالعا بەرۋشٸ اراسىنداعى پروبلەمانى مەدياتسييا ارقىلى شەشۋگە بولاتىن الاڭدى قۇردى. ول قالاي جۇمىس ٸستەيدٸ? جالعا مەملەكەتتٸك نەمەسە كۆازيمەملەكەتتٸك سەكتوردىڭ نىسانى, بولماسا كوممەرتسييالىق مٷلٸك بەرٸلۋٸ مٷمكٸن. ياعني بيزنەس ٶكٸلٸ كەلەسٸ بيزنەس ٶكٸلٸنەن نىساندى جالعا الۋى ىقتيمال. مەملەكەتتٸك مٷلٸكتٸ جالعا الۋ مەسەلەسٸ تولىعىمەن شەشٸلدٸ دەپ ايتۋعا بولادى. وندا مەسەلە جوق. مەملەكەتتٸك كوميسسييانىڭ وتىرىسىندا پرەزيدەنت ەكٸمدٸكتەرگە «20 ناۋرىزدان باستاپ 3 ايعا دەيٸن شوب سۋبەكتٸلەرٸنٸڭ مەملەكەتتٸك مٷلٸكتٸ جالعا الۋ بويىنشا تٶلەمنەن بوساتىلۋى كەرەكتٸگٸن» تاپسىردى. ول ٷشٸن مەملەكەتتٸك مٷلٸك پورتالىنا (گوسرەەستر.كز) كٸرٸپ, ەلەكتروندى تسيفرلى قولتاڭبا ارقىلى جالعا الۋ كەلٸسٸمٸنە قوسىمشا كەلٸسٸم جاساۋ كەرەك. وسى قۇجات ارقىلى سٸز جالعا الۋ تٶلەمٸنەن 3 ايعا بوساتىلاسىز», - دەيدٸ ول.
ال كوممەرتسييالىق مٷلٸك بويىنشا دەپارتامەنت ديرەكتورى بٸرشاما مەسەلە بارىن مويىندادى.
«بٸر جاعىنان جالعا بەرۋشٸنٸڭ ٷشٸنشٸ تۇلعانىڭ نەمەسە كوممنۋالدىق قىزمەتتٸڭ, بيۋدجەتٸ مەن جۇمىسكەرلەرٸنٸڭ, بانكتٸڭ الدىنداعى ٶز مٸندەتتەمەسٸ بار. ەكٸنشٸدەن كٸرٸسٸ جوق كەسٸپكەر جالعا الىپ وتىرعان ورنى ٷشٸن اقشا تٶلەۋٸ تيٸس. مۇنداي جاعدايدا سٸز «اتامەكەن» پالاتاسىنىڭ جەرگٸلٸكتٸ فيليالىنا جٷگٸنۋگە نەمەسە 1432 نٶمٸرٸنە حابارلاسۋعا بولادى. بٸز قازٸر جالعا بەرۋشٸ مەن جالعا الۋشىلاردى بٸر الاڭعا جيناپ, مەدياتسييالىق كەلٸسسٶزدەر ارقىلى پروبلەمانى ەڭسەرگٸمٸز كەلەدٸ. قازٸر مەملەكەت كەسٸپكەرلەرگە بٸرشاما جەڭٸلدٸك ۇسىندى. ول جەڭٸلدٸكتەرگە جالعا بەرۋشٸلەر دە ٸلٸنۋدە. ول قولداۋ شارالارىنىڭ ٸشٸندە سالىقتىڭ كەيبٸر تٷرٸنەن بوساتۋ, نەسيەنٸ كەيٸنگە شەگەرۋ, ايلىعى تٶمەن وتباسىلارعا تٶلەم بەرۋ جەنە كوممۋنالدىق تٶلەمدەردٸ شەگەرۋ تەتٸكتەرٸ بار. ياعني تيٸستٸ مەحانيزمنٸڭ بەرٸ بٸزدە بار», - دەيدٸ ول.
شىڭعىس تەمٸر بۇل مەسەلەنٸ شەشۋدٸ پرەزيدەنت ٶڭٸردەگٸ ەكٸمدەرگە دە تاپسىرىپ وتىرعانىن جەتكٸزدٸ.
«بٸز قازٸر جالعا بەرۋشٸلەرگە ٶتٸنٸش بٸلدٸرگٸمٸز كەلەدٸ: بٷكٸل ەلدٸڭ اماندىعى بٸرلٸككە سٷيەنٸپ تۇرعان كەزەڭدە شاعىن بيزنەس تەڭدەسسٸز سوققى الىپ وتىر. مۇنداي جاعدايدا جالعا بەرۋشٸ بيزنەسكە كٶمەك كٶرسەتۋٸ كەرەك. ەلبەتتە نەسيە مەن باسقا دا مٸندەتتەمەلەر بار. جالعا بەرۋشٸ ٶز شىعىنىن دا جابۋ كەرەك. ەيتسە دە بٸز دە ولارعا كٶمەكتەسۋگە دايىنبىز. ەگەر سٸزدەردٸڭ بانكتە پروبلەماڭىز بولسا ونى شەشٸپ بەرۋگە تىرىسامىز. سالىقتان قيىندىعىڭىز بولسا ول سالادا سٸزگە كٶمەك قولىن سوزاتىن ماماندارىمىز بار. ەگەر سٸزدەر جۇمىسكەرلەرٸڭٸزدٸ اقىسىز دەمالىسقا جٸبەرۋگە مەجبٷر بولساڭىزدار, بۇل رەتتە دە ولارعا مينيمالدى ايلىق بەرۋ مەسەلەسٸمەن اينالىسۋعا ەزٸرمٸز. قانداي مەسەلەمەن بەتپە-بەت كەلسەڭٸزدەر دە سٸزدەر شاعىن بيزنەسكە جٷكتەمەنٸ ازايتامىن دەسەڭٸزدەر, قولداۋعا بارىنشا دايىنبىز», - دەدٸ ول.
