ەلٸمٸزدە 60-تان استام جوعارى وقۋ ورنىن بٸتٸرگەن تٷلەكتەردٸڭ 50%-ٸ جۇمىسسىز. بۇل - ەلٸمٸزدەگٸ ۋنيۆەرسيتەتتەردٸڭ بٸلٸم بەرۋ دەڭگەيٸنٸڭ ساپاسىزدىعىن كٶرسەتەدٸ.
بۇل جٶنٸندە بٷگٸن «اتامەكەن» ۇكپ باسقارما تٶرعاسىنىڭ ورىنباسارى ولجاس ورداباەۆ جوو ٶكٸلدەرٸمەن ٶتكەن جيىندا مەلٸمدەدٸ.
«د.قوناەۆ اتىنداعى ەۋرازييالىق زاڭ اكادەميياسىندا حالىقارالىق قاتىناستار ماماندىعى بويىنشا وقىعان تٷلەكتەردٸڭ 71%-ى جۇمىسسىز, ال حالىقارالىق گۋمانيتارلىق-تەحنيكالىق ۋنيۆەرسيتەتٸندە ينفورماتيكا ماماندىعىن بٸتٸرگەندەر دە ٶندٸرٸسكە قاجەتسٸز ماماندار قاتارىندا. ٶڭٸرلٸك ەلەۋمەتتٸك-يننوۆاتسييالىق ۋنيۆەرسيتەتٸندە كەسٸپتٸك وقىتۋ ماماندىعىن بٸتٸرگەندەردٸڭ 25%-ى عانا قىزمەتكە قول جەتكٸزسە, ورتالىق ازييا ۋنيۆەرسيتەتٸندە ەكونوميكا ماماندىعى بويىنشا جۇمىسقا تۇرعاندار نەبەرٸ 20%», - دەدٸ ول.
بۇل كٶرسەتكٸش «اتامەكەن» ۇلتتىق كەسٸپكەرلەر پالاتاسىنىڭ ٷش جىل قاتارىنان قر بٸلٸم جەنە عىلىم مينيسترلٸگٸمەن بٸرلەسٸپ, قازاقستاندىق جوعارى وقۋ ورىندارىنىڭ بٸلٸم بەرۋ باعدارلامالارىنا تەۋەلسٸز باعالاۋ جٷرگٸزۋ نەتيجەسٸندە بەلگٸلٸ بولىپ وتىر.
«رەيتينگ 2019 جىلى 17 كريتەريي بويىنشا جٷرگٸزٸلدٸ, ولاردىڭ ٸشٸندە: ەڭبەكپەن قامتىلعان تٷلەكتەردٸڭ پايىزى جەنە ولاردىڭ ورتاشا ايلىق ەڭبەكاقىسى, وقۋ اياقتاعان سوڭ جۇمىس ٸزدەۋ ۇزاقتىعى, سونداي-اق, باعدارلامالاردىڭ ٶزەكتٸلٸگٸن باعالاۋ بار», – دەدٸ ول.
سونىمەن بٸرگە, قازٸرگٸ تاڭدا جوعارى سىنىپ وقۋشىلارىنىڭ باسىم كٶپشٸلٸگٸ ماماندىق تاڭداۋدا قينالادى, بۇعان ەڭبەك نارىعىنا قاجەتتٸ ماماندىقتار تۋرالى اقپاراتتاردىڭ جوقتىعى سەبەپ. سونىڭ سالدارىنان, جوعارى بٸلٸمدٸ ازاماتتاردىڭ باسىم بٶلٸگٸ باسقا سالادا جۇمىس ٸستەۋگە مەجبٷر. بۇل ماماندىق تاڭداۋداعى قاتەلٸكتٸڭ كٶرٸنٸسٸ. ال اتالعان رەيتينگ وسى قاجەتتٸلٸكتٸ قاناعاتتاندىرۋ ٷشٸن جاسالىپ وتقان كٶرٸنەدٸ.
«قازٸرگٸ تاڭدا, جۇمىس بەرۋشٸلەردٸ دە بٸلٸم باعدارلامالارىنىڭ ٶزەكتٸلٸگٸ الاڭداتادى. جالپى العاندا جۇمىس بەرۋشٸلەردٸڭ 68 پايىزى قازٸرگٸ وقۋ باعدارلاماسىنا كٶڭٸلدەرٸ تولمايدى», - دەدٸ و.ورداباەۆ.
سونداي-اق, جيىن بارىسىندا قازاقستانداعى ەڭ ناشار ۋنيۆەرسيتەتتەر تٸزٸمٸ اتالدى. ولار:
SilkWay حالىقارالىق ۋنيۆەرسيتەتٸ
سىردارييا ۋنيۆەرسيتەتٸ
حالىقارالىق گۋمانيتارلىق-تەحنيكالىق ۋنيۆەرسيتەتٸ
ٶڭٸرلٸك ەلەۋمەتتٸك-يننوۆاتسييالىق ۋنيۆەرسيتەت
ورتالىق ازييا ۋنيۆەرسيتەتٸ
شىمكەنت ۋنيۆەرسيتەتٸ
استانا ۋنيۆەرسيتەتٸ
