قىرعىزستان پرەزيدەنتٸ المازبەك اتامباەۆ قىرعىزستان قارۋلى كٷشتەرٸ باس شتابىنىڭ باسشىسى راييمبەردي دۋيشەنبيەۆكە ەل شەكاراسىن نىعايتىپ, قورعانىس قابٸلەتٸن كٷشەيتۋگە تاپسىرما بەردٸ, دەپ حابارلايدى قىرعىزستاندىق رەسمي باسپاسٶز.
اتامباەۆتىڭ باسپاسٶز قىزمەتٸ 8 قاراشادا دۋيشەنبيەۆ اتامباەۆتىڭ قابىلداۋىندا بولىپ, وعان قىرعىزستاننىڭ قورعانىس ەلەۋەتٸن نىعايتۋ, قارۋلى كٷشتەردٸ دامىتۋ جۇمىستارى مەن ەسكەري قىزمەتكەرلەردٸڭ ەلەۋمەتتٸك قامسىزداندىرىلۋى جەنە تەحنيكالىق جاراقتاندىرىلۋى بويىنشا جاسالىپ جاتقان جۇمىستار جٶنٸندە ايتىپ بەرگەنٸن حابارلادى.
دۋيشەنبيەۆ سونىمەن قاتار مەملەكەتتٸك شەكارا قىزمەتٸنٸڭ ەسكەريلەرٸنە ارنالعان كٶپ قاباتتى ەكٸ ٷي سالىنىپ بٸتكەنٸن جەنە باتكەن وبلىسىندا "مينبۋلاك" زاستاۆاسىن اشۋعا دايىندىق جاسالىپ جاتقانىن ايتتى.
پرەزيدەنت اتامباەۆ قىرعىز ارميياسىنىڭ قازٸرگٸ جاعدايىن ٶزٸنٸڭ پرەزيدەنت بولعان التى جىلدا جەتكەن جەتٸستٸكتەرٸنٸڭ بٸرٸ سانايدى. مامىردىڭ سوڭىندا قىرعىزستان قارۋلى كٷشتەرٸنٸڭ قۇرىلعانىنا 25 جىل تولۋىنا ارنالعان شارادا سٶيلەگەن اتامباەۆ "ارميياعا رەفورما جاسالعانىن" جەنە ونىڭ قازٸر ەلدٸ قورعاي الاتىن دەرەجەدە ەكەنٸن مەلٸمدەگەن.
