قىرعىزستان پرەزيدەنتٸ المازبەك اتامباەۆ پرەزيدەنتتٸڭ ەلەۋمەتتٸك قورعاۋ جەنە قولداۋ قورىنان قازاقستانمەن شەكارادا ٶتكٸزۋدٸ كٷتٸپ جاتقان جٷك تاسىمالداۋشىلاردى تاماقتاندىرۋعا بٸر ميلليون سوم (شامامەن 14 مىڭ دوللار) بٶلگٸزدٸ, دەپ حابارلايدى "ۇلت اقپارات" ازاتتىققا سٸلتەمە جاساپ.
قىرعىز پرەزيدەنتٸنٸڭ باسپاسٶز قىزمەتٸ اتامباەۆتىڭ اتالعان كٶمەك قارجىنى بٶلۋ تۋرالى جارلىقتى "شەكاراداعى جاعدايدى جەنە اۋا-رايىنىڭ سالقىندايتىنىن ەسكەرٸپ" شىعارعانىن ايتادى.
10 قازاننان باستاپ ەكٸ ەل شەكاراسىندا تەكسەرۋ كٷشەيتٸلٸپ, قازاقستانعا ٶتەتٸن ادامدار مەن كٶلٸكتەر كەزەگٸ پايدا بولعان. تەكسەرۋدٸڭ كٷشەيتٸلۋٸنەن ەڭ الدىمەن تەز بۇزىلاتىن ازىق-تٷلٸك تاسيتىن ٷلكەن جٷك كٶلٸكتەرٸنٸڭ جٷرگٸزۋشٸلەرٸ زارداپ شەگٸپ جاتىر.
18 قازاندا استانادا ٶتكەن كەلٸسسٶزدەر بارىسىندا ەكٸ ەلدٸڭ ٷكٸمەت جەتەكشٸلەرٸ كەلەسٸ كٷننەن باستاپ جولاۋشى كٶلٸكتەرٸ مەن جٷگٸ بار ادامداردى شەكارادان ٶتكٸزۋدٸ جەڭٸلدەتۋ تۋرالى ۋاعدالاسقان. بٸراق جٷك كٶلٸكتەرٸنٸڭ جٷرگٸزۋشٸلەرٸ جاعداي ەلٸ ٶزگەرمەگەنٸن, قازاقستان جاعىنىڭ تەكسەرۋ مەن ٶتكٸزۋدٸ كٸدٸرتٸپ, بۇرىنعىداي شەكارادا تەۋلٸكتەپ كەزەك كٷتٸپ جاتقانىن ايتادى.
