قىرعىزستان پرەزيدەنتٸ المازبەك اتامباەۆ «ەلدە ٷشٸنشٸ رەۆوليۋتسييا بولمايدى» دەپ مەلٸمدەدٸ. ول مۇنى 2005 جىلى ناۋرىز ايىندا «قىزعالداق تٶڭكەرٸسٸ» دەگەن اتپەن تانىمال وقيعا قۇرباندارىنا ارناپ تۇرعىزىلعان ەسكەرتكٸشتٸڭ اشىلۋى سالتاناتى كەزٸندە ايتقان.
«ۆلاديمير پۋتينمەن بٸرگە ٶتكٸزگەن باسپاسٶز مەسليحاتى كەزٸندەگٸ مەنٸڭ قالجىڭىم سەتسٸز شىققان سيياقتى. بٸراق قىرعىزستاندا ٷشٸنشٸ رەۆوليۋتسييا بولمايدى. ماعان سەنٸڭٸزدەر. قازٸر مٷلدەم باسقا ەلمٸز. رەۆوليۋتسييا جاساۋعا نەگٸز جوق. ەگەر كٸمدە-كٸم ەلدٸ تەڭسەلتكٸسٸ كەلەدٸ, زاڭ الدىندا جاۋاپ بەرەدٸ. ويىن ۋاقىتى اياقتالدى»,- دەدٸ اتامباەۆ.
28 اقپاندا رەسەي پرەزيدەنتٸ ۆلاديمير پۋتين بٸشكەككە رەسمي ساپارمەن كەلگەن كەزدە, المازبەك اتامباەۆ رەۆوليۋتسييالارعا «نٷكتە قويىلدى» دەگەن بولاتىن.
قىرعىزستاننىڭ وسىعان دەيٸنگٸ ەكٸ پرەزيدەنتٸ — اسقار اقاەۆ پەن قۇرمانبەك باكيەۆ — ٷكٸمەتكە قارسى نارازىلىق اكتسيياسىنان كەيٸن, بيلٸكتەن تايدىرىلعان, ەكەۋٸ دە شەتەلگە قاشىپ كەتكەن.
«ەكٸ رەۆوليۋتسييانىڭ ليدەرٸ دە اتامباەۆ بولدى. 2005 جىلى «اق ٷيدٸ» العان ساپ اتامباەۆا ٷلەسٸنە ٶتتٸ, 2010 جىلى دا, ەگەر ەستەرٸڭٸزدە بولسا, نارازى ازاماتتار قايدا جينالىپ ەدٸ? «فورۋم» كەڭسەسٸندە. ەگەر ٷشٸنشٸ رەۆوليۋتسييا بولسا… مەن ونى جاسامايمىن», — دەپ مەلٸمدەگەن سول كەزدە اتامباەۆ.
