Qyrǵyzstan prezidenti Almazbek Atambaev «elde úshinshi revoliýtsiia bolmaidy» dep málimdedi. Ol muny 2005 jyly naýryz aiynda «Qyzǵaldaq tóńkerisi» degen atpen tanymal oqiǵa qurbandaryna arnap turǵyzylǵan eskertkishtiń ashylýy saltanaty kezinde aitqan.
«Vladimir Pýtinmen birge ótkizgen baspasóz máslihaty kezindegi meniń qaljyńym sátsiz shyqqan siiaqty. Biraq Qyrǵyzstanda úshinshi revoliýtsiia bolmaidy. Maǵan senińizder. Qazir múldem basqa elmiz. Revoliýtsiia jasaýǵa negiz joq. Eger kimde-kim eldi teńseltkisi keledi, zań aldynda jaýap beredi. Oiyn ýaqyty aiaqtaldy»,- dedi Atambaev.
28 aqpanda Resei prezidenti Vladimir Pýtin Bishkekke resmi saparmen kelgen kezde, Almazbek Atambaev revoliýtsiialarǵa «núkte qoiyldy» degen bolatyn.
Qyrǵyzstannyń osyǵan deiingi eki prezidenti — Asqar Aqaev pen Qurmanbek Bakiev — úkimetke qarsy narazylyq aktsiiasynan keiin, bilikten taidyrylǵan, ekeýi de shetelge qashyp ketken.
«Eki revoliýtsiianyń lideri de Atambaev boldy. 2005 jyly «Aq úidi» alǵan sap Atambaeva úlesine ótti, 2010 jyly da, eger esterińizde bolsa, narazy azamattar qaida jinalyp edi? «Forým» keńsesinde. Eger úshinshi revoliýtsiia bolsa… Men ony jasamaimyn», — dep málimdegen sol kezde Atambaev.
