فوتو: osken-onir.kz
قازٸرگٸ كەزدە قوعامدا اتا-انالار بالالارىن ەسكەرگە بورىشىن ٶتەۋگە جٸبەرۋگە قۇلىقسىز دەگەن پٸكٸر بار. وعان ەسكەردە بورىشىن ٶتەپ جٷرگەن جەرٸندە باسىنان جاراقات الىپ, مٷگەدەك بولىپ قالعان ۇلتتىق ۇلاننىڭ جاۋىنگەرٸ ەربايان مۇحتاردىڭ جاعدايى, اقتاۋداعى گورنيزوندا سارباز مارات بارقۇلوۆتىڭ قازا تابۋى سيياقتى قىلمىستار سەبەپ بولىپ وتىر.
بٸراق سوندا دا قر قورعانىس مينيسترٸنٸڭ تەربيە جەنە يدەولوگييالىق جۇمىس جٶنٸندەگٸ ورىنباسارى, گەنەرال-مايور شايح-حاسان جازىقباەۆ ٷرەيلەنۋگە نەگٸز جوق دەپ ەسەپتەيدٸ.
"مەرزٸمدٸ ەسكەري قىزمەتشٸلەر 24 ساعات قاداعالاۋدا. بٸرٸنشٸدەن, روتا بويىنشا كەزەكشٸ بولادى, ونىڭ قاسىندا ەكٸ تەۋلٸكتٸك كەزەكشٸسٸ بار, سونىمەن ٷش ادام. 24 ساعاتتا قاي ۋاقىتتا ساباققا شىعۋى كەرەك, قاي ۋاقىتتا تاڭعى اسقا بارۋى قاجەت جەنە قاي ۋاقىتتا ازانعى دەنە جاتتىعۋىنا شىعاتىنىنىڭ بەرٸ قاداعالاۋدا. ودان بٶلەك, جاڭا ايتىپ ٶتتٸم, "سەرٸكتەس" دەگەن - ول جاۋاپتى وفيتسەر, جاۋاپتى سەرجانت سولاردىڭ قاسىندا جٷرٸپ جارعىدان تىس ٸس ەرەكەتتەر بولماۋىن قاداعالاپ, قاراپ جٷرەدٸ. ودان كەيٸن, پروفيلاكتيكالىق بٶلمە دەپ ايتقانىم, ەر بٸر روتانىڭ ٷي-جايىندا ەسكەري پوليتسييانىڭ ٶكٸلٸ بولادى. ول دا ٶزٸنٸڭ تارماعىنان قاداعالاۋ جٷرگٸزەدٸ. ال جۇمىس ۋاقىتىندا, ازانعى ساعات 9:00-دەن كەشكٸ ساعات 18:00-گە دەيٸن سول جەردەگٸ بارلىق بٶلٸمشە كومونديرلەرٸ ۆزۆود, روتا, بريگادا كومونديرلەرٸنٸڭ قاداعالاۋىندا. ەشقانداي ٷرەيلەنەتٸنٸ جوق. بٸز بار كٷشٸمٸزدٸ سالىپ جاتىرمىز. جۇمىستاردى ٶتكەرٸپ جاتىرمىز. ەسكەرگە باراردىڭ الدىندا قازاقستان رەسپۋبليكاسىنىڭ ەر-بٸر ازاماتى مورالدىق-پسيحولوگييالىق دايىندالىپ, فيزيكالىق تٷردە دايىندالىپ, ەسكەرگە كەلۋ كەرەك. جەنە دە ايتا كەتەرٸم, قارۋلى كٷشتەردٸڭ نەگٸزگٸ ماقساتى ول جاۋىنگەرلٸك دايىندىق جەنە جاۋىنگەرلٸك ەزٸرلٸك ەل باسىنا كٷن تۋعان كەزدە 1-2 ساعاتتىڭ ٸشٸندە جينالىپ, كٶمەككە نەمەسە جاۋدىڭ بەتٸن قايتارۋعا دايىندايتىن جەر", -دەيدٸ گەنەرال-مايور جازىقباەۆ.
قۇزىرلى ورگان ٶكٸلٸنٸڭ بەرگەن مەلٸمەتتەرٸ بويىنشا ەلدە بىلتىر 159, ال بيىل ەلدە 131 قىلمىستىق قۇقىقبۇزۋشىلىق تٸركەلگەن ەكەن.
تاعى وقىڭىز: قورعانىس مينيسترٸ ەسكەري قىزمەتشٸلەردٸڭ ٶلٸمٸ وقيعالارىن توقتاتۋدى تاپسىردى
