Foto: osken-onir.kz
Qazirgi kezde qoǵamda ata-analar balalaryn áskerge boryshyn óteýge jiberýge qulyqsyz degen pikir bar. Oǵan áskerde boryshyn ótep júrgen jerinde basynan jaraqat alyp, múgedek bolyp qalǵan Ulttyq ulannyń jaýyngeri Erbaian Muhtardyń jaǵdaiy, Aqtaýdaǵy gornizonda sarbaz Marat Barqulovtyń qaza tabýy siiaqty qylmystar sebep bolyp otyr.
Biraq sonda da QR Qorǵanys ministriniń tárbie jáne ideologiialyq jumys jónindegi orynbasary, general-maior Shaih-Hasan Jazyqbaev úreilenýge negiz joq dep esepteidi.
"Merzimdi áskeri qyzmetshiler 24 saǵat qadaǵalaýda. Birinshiden, rota boiynsha kezekshi bolady, onyń qasynda eki táýliktik kezekshisi bar, sonymen úsh adam. 24 saǵatta qai ýaqytta sabaqqa shyǵýy kerek, qai ýaqytta tańǵy asqa barýy qajet jáne qai ýaqytta azanǵy dene jattyǵýyna shyǵatynynyń bári qadaǵalaýda. Odan bólek, jańa aityp óttim, "Seriktes" degen - ol jaýapty ofitser, jaýapty serjant solardyń qasynda júrip jarǵydan tys is áreketter bolmaýyn qadaǵalap, qarap júredi. Odan keiin, profilaktikalyq bólme dep aitqanym, ár bir rotanyń úi-jaiynda áskeri politsiianyń ókili bolady. Ol da óziniń tarmaǵynan qadaǵalaý júrgizedi. Al jumys ýaqytynda, azanǵy saǵat 9:00-den keshki saǵat 18:00-ge deiin sol jerdegi barlyq bólimshe komondirleri vzvod, rota, brigada komondirleriniń qadaǵalaýynda. Eshqandai úreilenetini joq. Biz bar kúshimizdi salyp jatyrmyz. Jumystardy ótkerip jatyrmyz. Áskerge barardyń aldynda Qazaqstan Respýblikasynyń ár-bir azamaty moraldyq-psihologiialyq daiyndalyp, fizikalyq túrde daiyndalyp, áskerge kelý kerek. Jáne de aita keterim, qarýly kúshterdiń negizgi maqsaty ol jaýyngerlik daiyndyq jáne jaýyngerlik ázirlik el basyna kún týǵan kezde 1-2 saǵattyń ishinde jinalyp, kómekke nemese jaýdyń betin qaitarýǵa daiyndaityn jer", -deidi general-maior Jazyqbaev.
Quzyrly organ ókiliniń bergen málimetteri boiynsha elde byltyr 159, al biyl elde 131 qylmystyq quqyqbuzýshylyq tirkelgen eken.
Taǵy oqyńyz: QORǴANYS MINISTRI ÁSKERI QYZMETShILERDIŃ ÓLIMI OQIǴALARYN TOQTATÝDY TAPSYRDY
