فوتو: Akmaty.tv
الماتىنىڭ ٸرگەلٸ اۋىلىندا بالا مەكتەپ اۆتوبۋسىنىڭ استىنا تٷسٸپ, قازا تاپقاننان كەيٸن تۇرعىندار نارازىلىقتارىن جەتكٸزۋ ٷشٸن كٶشەگە شىقتى. ايتۋىنشا, بيلٸك ٶكٸلدەرٸ مەكتەپ سالىپ بەرەمٸز دەپ ون جىلدان بەرٸ ەلٸ ۋەدە بەرٸپ كەلەدٸ. قازٸرگٸ تاڭدا بالالار كٶرشٸ اۋىلداردا وقۋعا مەجبٷر, دەپ حابارلايدى Orda.kz.
ايتا كەتەيٸك, قايعىلى وقيعا 27 قاراشا كٷنٸ «اسىل ارمان» تۇرعىن ٷي كەشەنٸنٸڭ اۋماعىنداعى تۇراقتا بولعان. مەكتەپ وقۋشىلارىن تاسىمالداپ جٷرگەن شاعىن اۆتوبۋس سەگٸز جاستاعى بالانى قاعىپ كەتكەن. بالا وقيعا ورنىندا كٶز جۇمعان.
قايتىس بولعان بالا كٶپبالالى وتباسىنىڭ تۇڭعىش ەدٸ, الداعى كٷندەرٸ توعىز جاسقا تولۋى كەرەك بولعان.
بۇل تراگەدييا تۇرعىنداردىڭ شىدامىن تاۋىسقان سوڭعى تامشى بولدى. ولار قايعىلى وقيعا ورنىنا جينالىپ, ٶز نارازىلىقتارىن بٸلدٸردٸ.
«بالالار اۆتوبۋسقا ٷلگەرۋ ٷشٸن اسىعادى. بٸر اۆتوبۋستا 50-گە جۋىق وقۋشى تاسىمالدانادى. بۇل تۇرعىن ٷي كەشەنٸندە 20 مىڭ ادام تۇرادى. ون جىلدان بەرٸ مەكتەپ سالۋدى سۇراپ كەلەمٸز, بٸراق تەك ۋەدەمەن تويدىرادى. بۇل — بيلٸك ٶكٸلدەرٸنٸڭ ٷلكەن جاۋاپسىزدىعى. بالالارىمىز كٶرشٸ اۋىلعا بارىپ وقۋعا مەجبٷر. بٷگٸنگٸ قايعىلى وقيعا ٷشٸن كٸم جاۋاپ بەرەدٸ? بيلٸك ۋەدەسٸن ورىنداۋى كەرەك. حالىقتىڭ تالابىن ەلەمەۋ — قىلمىس!» — دەيدٸ اشىنعان تۇرعىندار.
قاراساي اۋدانى ەكٸمدٸگٸ مەكتەپ قۇرىلىسى بٸرنەشە جىل بۇرىن باستالعانىن, الايدا قارجىلاندىرۋ مەسەلەسٸنە بايلانىستى توقتاپ قالعانىن مەلٸمدەدٸ.
قايتىس بولعان بالا لەۆ تولستوي اتىنداعى مەكتەپتە وقىعان. وقۋشىلاردى تاسىمالداۋمەن «دەۋلەتحانوۆ» جەكە كەسٸپكەرلٸگٸ اينالىسادى. تەك «اسىل ارمان» كەشەنٸنٸڭ ٶزٸنەن كٷن سايىن 400-گە جۋىق وقۋشى تاسىمالدانادى.
قازٸرگٸ ۋاقىتتا پوليتسييا وقيعاعا بايلانىستى سوتقا دەيٸنگٸ تەرگەۋ جٷرگٸزۋدە. ميكرواۆتوبۋس جٷرگٸزۋشٸسٸ قاماۋعا الىندى.
ايتا كەتەيٸك, «اسىل ارمان» تۇرعىن ٷي كەشەنٸندەگٸ مەسەلەلەر جيٸ كٶتەرٸلٸپ كەلەدٸ. بيىل ناۋرىزدا تۇرعىندار جىلۋ مەن ىستىق سۋدىڭ جوقتىعىنا بايلانىستى جولدى جاۋىپ تاستاعان بولاتىن. مامىر ايىندا ولار جاڭا كٶپقاباتتى ٷيدٸڭ قۇرىلىس جۇمىستارىنا قارسى شىققان ەدٸ. تۇرعىندار ينفراقۇرىلىمنىڭ شامادان تىس جٷكتەلگەنٸن ايتىپ, شاعىمدانعان.
ەلەۋمەتتٸك نىسانداردىڭ جوقتىعى تۋرالى تۇرعىندار ۇزاق ۋاقىتتان بەرٸ ايتىپ كەلەدٸ. اۋىل حالقى ٶسٸپ جاتقانىمەن, مەكتەپ پەن بالاباقشا ەلٸ كٷنگە دەيٸن سالىنباعان.
