استىق ەگۋمەن اينالىساتىن نەگٸزگٸ ايماقتار جاپپاي ەگٸن جيناۋدى تامىزدىڭ ٷشٸنشٸ ونكٷندٸگٸنەن باستايدى. بۇل تۋرالى ٷكٸمەت وتىرىسىندا قر اۋىل شارۋاشىلىعى مينيسترٸنٸڭ مٸندەتٸن اتقارۋشى ەربول قاراشٶكەەۆ مەلٸم ەتتٸ, دەپ حابارلايدى "ۇلت اقپارات".
«بيىلعى ەگٸن جيناۋ ناۋقانى ۋاقىتىندا باستالدى. بٷگٸنگٸ كٷنٸ رەسپۋبليكا بويىنشا بارلىعى 1,5 ميلليون گەكتارعا جۋىق دەندٸ جەنە دەندٸ-بۇرشاقتى داقىلدار نەمەسە كٶرسەتٸلگەن وبلىستارداعى جالپى ەگٸن جيناۋ الاڭىنىڭ 14 پايىزى جينالدى. ٶتكەن جىلى دەل وسى كٷنگە 1,6 ميلليون گەكتار نەمەسە 15,7 % جينالعان بولاتىن. ورتاشا تٷسٸمدٸلٸك گەكتارىنا 10,1 تسەنتنەر قۇراپ, 1,5 ملن توننا استىق باستىرىلدى. استىق ەگۋمەن اينالىساتىن نەگٸزگٸ ايماقتار جاپپاي ەگٸن جيناۋدى وسى ايدىڭ ٷشٸنشٸ ونكٷندٸگٸنەن باستايدى», - دەدٸ ەربول قاراشٶكەەۆ .
ونىڭ ايتۋىنشا, جاپپاي ەگٸن جيناۋ جۇمىستارىنىڭ باستالۋىنا اۋىل شارۋاشىلىعى تاۋارىن ٶندٸرۋشٸلەر بارلىق قاجەتتٸ تەحنيكانى دايىندادى. جالپى رەسپۋبليكادا ەگٸن جيناۋ جۇمىستارى ٷشٸن 141,7 مىڭ تراكتور, 73,5 مىڭ تراكتور تٸركەمەسٸ, 36,9 مىڭ استىق جينايتىن كومباين, 12,8 مىڭ ەگٸن وراعى بار.
«جۇمىستىڭ ۇزاق ۋاقىت توقتاپ تۇرۋىن بولدىرماۋ ٷشٸن اۋىل شارۋاشىلىعى تاۋارىن ٶندٸرۋشٸلەر جٶندەۋ بريگادالارىن قۇردى. سەرۆيستٸك كومپانييالارمەن ولاردىڭ دالالىق قىزمەتٸن كٷشەيتۋ, سونىمەن قاتار قويمالاردى قاجەتتٸ قوسالقى بٶلشەكتەرمەن تولىقتىرۋ بويىنشا تيٸستٸ جۇمىستار جٷرگٸزٸلدٸ. ەگٸن جيناۋ جۇمىستارىن ۋاقتىلى جٷرگٸزۋ ٷشٸن اۋىل شارۋاشىلىعى تاۋارلارىن ٶندٸرۋشٸلەرگە 396,5 مىڭ توننا جەڭٸلدەتٸلگەن ديزەل وتىنى بٶلٸندٸ. ەنەرگەتيكا مينيسترلٸگٸمەن بٸرلەسٸپ وبلىستاردىڭ وپەراتورلارىن مۇناي ٶڭدەۋ زاۋىتتارىنا بەكٸتٸپ بەرۋ گرافيگٸ جاسالدى. شٸلدەدەگٸ كٶلەمدەردٸ ٶڭٸرلەر تولىعىمەن الدى. قازٸرگٸ ۋاقىتتا تامىز ايىنىڭ كٶلەمدەرٸ جٶنەلتٸلۋدە», - دەدٸ ەربول قاراشٶكەەۆ.
