«ازاماتتارعا ارنالعان ٷكٸمەت» مەكەمەسٸنٸڭ نۇر-سۇلتان قالاسى بويىنشا فيليالىنىڭ ديرەكتورى مەدي سادانوۆتىڭ ايتۋىنشا, قالانىڭ حالىققا قىزمەت كٶرسەتۋ ورتالىقتارىندا جسن-گە ٶتٸنٸش بەرۋشٸ شەتەلدٸكتەر كٶبەيگەن, دەپ حابارلايدى قازاقپارات.
«حالىققا قىزمەت كٶرسەتۋ ورتالىقتارىنىڭ جۇمىسىن باعالايتىن ەكٸ ٶلشەم بار. ولار – كٷتۋ ۋاقىتى مەن رەسٸمدەۋ ۋاقىتى. كٷتۋ ۋاقىتى ازامات كونسۋلتاتسيياعا تالون العان سەتتەن باستاپ وپەراتوردىڭ الدىنا كەلگەن كەزگە دەيٸن ەسەپتەلەدٸ. ال رەسٸمدەۋ ۋاقىتى وپەراتوردىڭ الدىنا كەلگەن سەتتەن قىزمەت الىپ بولعانعا دەيٸن ەسەپتەلەدٸ. 2021 جىلى كٷتۋ ۋاقىتىنىڭ تالابىن بۇزۋ فاكتٸلەرٸ 3 ەسە قىسقارعان بولاتىن. بيىل قايتا كٶبەيدٸ. ال رەسٸمدەۋ ۋاقىتى بويىنشا كەرٸسٸنشە تٶمەندەۋ بار. بىلتىر كوروناۆيرۋسقا قاتىستى شەكتەۋلەردٸڭ ەسەرٸنەن حالىققا قىزمەت كٶرسەتۋ ورتالىقتارىنا كەلۋشٸلەر سانى قىسقارعان ەدٸ», - دەدٸ ول قالالىق مەسليحاتتىڭ تۇراقتى كوميسسييا وتىرىسىندا.
سونداي-اق, ول حالىققا قىزمەت كٶرسەتۋ ورتالىقتارىندا كٷتۋ ۋاقىتىنىڭ تالابى نەگە جيٸ بۇزىلاتىنىن ايتتى.
«بٸزدە اقپاراتتىق جٷيەلەردە جيٸ ٸركٸلٸستەر بولادى. مىسالى, مەملەكەتتٸك كٸرٸستەر كوميتەتٸنٸڭ اقپاراتتىق جٷيەسٸندە ٸركٸلٸس پايدا بولسا, اۆتوكٶلٸكتٸ رەسٸمدەي الماي قالامىز. ٶيتكەنٸ كٶلٸك يەسٸنٸڭ موينىنداعى سالىقتار مەن ايىپپۇلداردى كٶرۋٸمٸز كەرەك. زاڭدى تۇلعالاردىڭ اتىنداعى جىلجىمايتىن مٷلٸكتٸ دە وسى جٷيەدەن قارايمىز.
قاڭتار وقيعاسى رەسٸمدەۋ ۋاقىتىنا قويىلاتىن تالاپتاردىڭ بۇزىلۋىنا ەسەر ەتكەن بولاتىن. ينتەرنەتتە شەكتەۋ بولدى. بٸز جۇمىس ٸستەپ تۇرعانىمىزبەن ادامدارعا قىزمەت كٶرسەتە المادىق.
سونداي-اق, شەتەل ازاماتتارىنىڭ ٷلكەن اعىنىن كٶرٸپ وتىرمىز. ونىڭ ٸشٸندە رەسەيلٸكتەر كٶپ. جەكە سەيكەستەندٸرۋ نٶمٸرٸن الۋشىلاردىڭ نٶپٸرٸ بار», - دەدٸ مەدي سادانوۆ.
