فوتو: ۇيىمداستىرۋشىلاردان
استانانىڭ قالالىق الاڭىندا ەكٸنشٸ دٷنيەجٷزٸلٸك سوعىستاعى جەڭٸستٸڭ 80 جىلدىعىنا ارنالعان مەرەكەلٸك كونتسەرت ٶتتٸ. بۇل شارا بولاشاق ۇرپاقتىڭ ەركٸندٸگٸ مەن تەۋەلسٸزدٸگٸ ٷشٸن جانىن قيعان قاھارمانداردىڭ رۋحىنا تاعزىم ەتٸپ, ولاردىڭ ەرلٸگٸن مەڭگٸ ەستە ساقتاۋعا باعىتتالدى, دەپ حابارلايدى Ult.kz.
مەرەكەلٸك ٸس-شارانى "ەۋرازييالىق مونيتورين" قازاقستان ورتالىعى ۇيىمداستىرىپ, ەلورداعا جينالعان مىڭداعان تۇرعىن مەن قالا قوناقتارى سوعىس قاھارماندارىنا قۇرمەت بٸلدٸرۋ ٷشٸن باس قوستى.
كونتسەرت ۇلى وتان سوعىسىنىڭ قاھارماندارىنا تاعزىم رەتٸندە ٶتتٸ. ەرلٸگٸمەن ەل جادىندا قالعان تالعات بيگەلدينوۆ, سەرگەي لۋگانسكيي, ساعادات نۇرماعامبەتوۆ, يۆان پانفيلوۆ, باۋىرجان مومىشۇلى, نٷركەن ەبدٸروۆ, مەلٸك عابدۋللين, سابىر راحىموۆ, مەنشٷك مەمەتوۆا, ەلييا مولداعۇلوۆا, راحىمجان قوشقارباەۆ, حيۋاز دوسپانوۆا سىندى ەرلەردٸڭ ەسٸمدەرٸ ەرەكشە اتالدى.
كونتسەرت بارىسىندا مايدان ەندەرٸ, ەسكەري مارشتار مەن زاماناۋي پاتريوتتىق تۋىندىلار شىرقالدى. سونىمەن قاتار سوعىس ارداگەرلەرٸنٸڭ شىنايى حاتتارى مەن ەستەلٸكتەرٸنە نەگٸزدەلگەن تەاترلاندىرىلعان كٶرٸنٸستەر قويىلىپ, كٶرەرمەنگە تەرەڭ ەسەر قالدىردى.
فوتو: ۇيىمداستىرۋشىلاردان
ساحنادا تانىمال قازاقستاندىق ەرتٸستەر مەن شىعارماشىلىق ۇجىمدار, سونداي-اق جاس ورىنداۋشىلار ٶنەر كٶرسەتتٸ. ولار سوعىس جىلدارىنداعى حالقىمىزدىڭ قايسار رۋحىن, بٸرلٸگٸن جەنە ەرلٸگٸنە دەگەن العىس سەزٸمٸن جەتكٸزدٸ. ەسٸرەسە, پوەزييا مەن مۋزىكا ٷندەسكەن ەسەرلٸ كٶركەم قويىلىمدار كٶرەرمەندٸ بەي-جاي قالدىرمادى.
بۇل كەش – تاريحي جادىمىزدى جاڭعىرتىپ, ەرلٸك پەن وتانسٷيگٸشتٸك ۇعىمدارىن ۇرپاق ساناسىنا سٸڭٸرۋگە باعىتتالعان تاعىلىمدى شارا بولدى.
"بٷگٸن بٸز استانانىڭ جٷرەگٸندە – قالالىق الاڭدا جينالىپ, جەڭٸستٸڭ 80 جىلدىعىن ەرەكشە قۇرمەتپەن اتاپ ٶتۋدەمٸز. بۇل — بارشا ادامزات تاريحىندا ٶشپەس ٸز قالدىرعان ۇلى جەڭٸس. مۋزىكا, سٶز بەن جارىق ساحنادا ٷيلەسٸپ, ٶمٸرٸن قۇربان ەتكەن ەرلەرگە دەگەن تەرەڭ قۇرمەتتٸڭ سيمۆولىنا اينالدى", — دەدٸ "ەۋرازييالىق مونيتورينگ" ورتالىعىنىڭ ديرەكتورى ەلٸبەك تەجٸباەۆ.
تەك استانادا عانا ەمەس, وسى سەتتە ەلەمنٸڭ تٷكپٸر-تٷكپٸرٸندە باتىرلاردىڭ ۇرپاقتارى ۇيىمداستىرعان مەرەكەلٸك كونتسەرتتەر مەن سالتاناتتى ٸس-شارالار ٶتۋدە.
"بٸز مايدانگەر قاھارماندار مەن ەڭبەك ارميياسىنىڭ تىلداعى ەرلەرٸنٸڭ الدىندا باس يەمٸز. 1941 جىلدىڭ وتتى شەبٸندە وتانىن قورعاۋعا اتتانعان ەربٸر جاۋىنگەرگە, ال تىلدا جەڭٸستٸ جاقىنداتقان ەربٸر ەڭبەك ادامىنا مەڭگٸلٸك تاعزىم. قازاقستاننان 1 ميلليون 200 مىڭنان استام جەرلەسٸمٸز مايدانعا اتتاندى, ولاردىڭ 500-دەن استامى كەڭەس وداعىنىڭ باتىرى اتاندى. تالعات بيگەلدينوۆ, باۋىرجان مومىشۇلى, مەنشٷك مەمەتوۆا, ەلييا مولداعۇلوۆا سىندى ەرلەردٸڭ ەسٸمٸ ەل جادىندا مەڭگٸلٸك ساقتالادى", — دەپ سٶزٸن تٷيٸندەدٸ ەلٸبەك تەجٸباەۆ.
