فوتو: gov.kz
استاناداعى پرەزيدەنتتٸك ورتالىقتا قر مەدەنيەت جەنە اقپارات مينيسترلٸگٸنٸڭ ۇيىمداستىرۋىمەن «ۇلتتىق كٸتاپ» رەسپۋبليكالىق بايقاۋى جەڭٸمپازدارىن ماراپاتتاۋ رەسٸمٸ ٶتتٸ. ٸس-شارا مەملەكەت باسشىسى قاسىم-جومارت توقاەۆتىڭ باستاماسىمەن بەكٸتٸلگەن ۇلتتىق كٸتاپ كٷنٸ اياسىندا ۇيىمداستىرىلدى. بۇل تۋرالى قر مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸنە سٸلتەمە جاساپ Ult.kz حابارلايدى.
سالتاناتتى جيىن قازاقستان رەسپۋبليكاسى پرەزيدەنتٸنٸڭ ٸشكٸ ساياسات مەسەلەلەرٸ جەنە كوممۋنيكاتسييالار جٶنٸندەگٸ كٶمەكشٸسٸ ارمان قىرىقباەۆتىڭ قۇتتىقتاۋ سٶزٸمەن اشىلدى.
فوتو: gov.kz
«مەملەكەت باسشىسى ەردايىم قوعامدا كٸتاپ وقۋ مەدەنيەتٸن دامىتۋعا ەرەكشە مەن بەرەدٸ. 2024 جىلى ۇلتتىق قۇرىلتايدىڭ ٷشٸنشٸ وتىرىسىندا پرەزيدەنت «كٸتاپ وقيتىن ۇلت» تۇجىرىمداماسىن ۇسىنعان ەدٸ. اتالعان تۇجىرىمداما نەگٸزٸندە بىلتىردان باستاپ 23 سەۋٸر ۇلتتىق كٸتاپ كٷنٸ بولىپ بەلگٸلەندٸ», – دەدٸ ارمان قىرىقباەۆ.
سونداي-اق, پرەزيدەنت كٶمەكشٸسٸ الداعى ەكٸ اپتادا مەملەكەت باسشىسى كٸتاپ وقۋ مەدەنيەتٸن كەڭٸنەن ناسيحاتتاۋعا جەنە زيياتكەر ۇلت قالىپتاستىرۋعا باعىتتالعان ارنايى جارلىققا قول قوياتىنىن جەتكٸزدٸ.
ٸس-شاراعا پارلامەنت دەپۋتاتتارى, بەلگٸلٸ اقىن-جازۋشىلار, مەملەكەت جەنە قوعام قايراتكەرلەرٸ, سونداي-اق كٸتاپحانا باسشىلارى قاتىستى.
«ۇلتتىق كٸتاپ» رەسپۋبليكالىق بايقاۋى وتاندىق اۆتورلاردى قولداۋعا, باسپا ٸسٸن دامىتۋعا جەنە قازاق ەدەبيەتٸنٸڭ, رۋحانيياتىنىڭ دامۋىنا باعىتتالعان. بيىل بايقاۋعا 32 باسپادان 155 ٶتٸنٸم تٷستٸ. قاتىسۋشىلار سوڭعى ەكٸ جىلدا جارىق كٶرگەن وتاندىق اۆتورلاردىڭ شىعارمالارىن ۇسىندى.
جەڭٸمپازدار توعىز نوميناتسييا بويىنشا انىقتالدى. ولاردىڭ قاتارىندا «بالالارعا ارنالعان ٷزدٸك كٸتاپ», «ٷزدٸك كوميكس», «نون-فيكشن باعىتىنداعى ٷزدٸك كٸتاپ», «دەتەكتيۆ جانرىنداعى ٷزدٸك كٸتاپ», «ساتيرا جانرىنداعى ٷزدٸك كٸتاپ», «ٷزدٸك يلليۋستراتسييالىق كٸتاپ», «ٷزدٸك اۋدارما كٸتاپ», «فانتاستيكا جانرىنداعى ٷزدٸك كٸتاپ» جەنە «ٷزدٸك باسپا» بار. سونىمەن قاتار «جىل كٸتابى» اتالىمى بويىنشا جەڭٸمپاز ەسٸمٸ بەلگٸلٸ بولدى. بۇل ماراپات اباي قۇنانبايۇلىنىڭ قارا سٶزدەرٸ نەگٸزٸندە جازىلعان «ۇرپاققا ٶسيەت» كٸتابى ٷشٸن گٷلميرا اماندىقوۆاعا تابىستالدى. بارلىق جەڭٸمپازعا اقشالاي سىيلىقتار بەرٸلدٸ.
فوتو: gov.kz
«ۇلتتىق كٸتاپ» بايقاۋى وتاندىق قالامگەرلەر مەن باسپاگەرلەردٸڭ ەڭبەگٸن دەرٸپتەيتٸن ماڭىزدى الاڭ رەتٸندە قالىپتاسىپ, كٸتاپ وقۋ مەدەنيەتٸن نىعايتۋعا جەنە قوعامنىڭ قازاق ەدەبيەتٸنە دەگەن قىزىعۋشىلىعىن ارتتىرۋعا ىقپال ەتٸپ كەلەدٸ.
سالتاناتتى رەسٸم اياسىندا ەلٸمٸزدٸڭ تٷكپٸر-تٷكپٸرٸنەن كەلگەن كٸتاپحاناشىلار مەن باسپا سالاسىنىڭ ٶكٸلدەرٸ «مەدەنيەت سالاسىنىڭ ٷزدٸگٸ» تٶسبەلگٸسٸمەن جەنە «قۇرمەت» گراموتاسىمەن ماراپاتتالدى.
ۇلتتىق كٸتاپ كٷنٸنە ارنالعان كٸتاپ اپتالىعى اياسىندا بٷگٸن ەل كٶلەمٸندە سوڭعى كٷن «كٸتاپ – دوستىق امباسسادورى» اتاۋىمەن ٶتتٸ. بۇل كٷن وتاندىق ەدەبيەتتٸ شەتەل وقىرمانى اراسىندا ناسيحاتتاۋعا باعىتتالدى.
كٸتاپ اپتالىعىنىڭ سوڭعى كٷنٸندە رەسپۋبليكا بويىنشا كٸتاپحانالاردا, مەدەنيەت جەنە بٸلٸم بەرۋ ۇيىمدارىندا شىعارمالارى شەت تٸلدەرگە اۋدارىلعان قازاقستاندىق اۆتورلاردىڭ, سونداي-اق كەسٸبي اۋدارماشىلار مەن باسپاگەرلەردٸڭ قاتىسۋىمەن كەزدەسۋلەر ۇيىمداستىرىلدى.
اتاپ ايتقاندا, استانادا IX «Astana Eurasian Book Fair – 2026» حالىقارالىق كٸتاپ كٶرمە-جەرمەڭكەسٸ اياسىندا كٸتاپ تانىستىرىلىمدارى ٶتٸپ, حالىق جازۋشىسى, اقىن مۇحتار شاحانوۆتىڭ شىعارماشىلىعىنا ارنالعان «عاسىردىڭ عالامات اقىنى» كٶرمەسٸ ۇسىنىلدى. الماتى قالاسىندا «ەلەمدٸ بٸرٸكتٸرگەن – قازاق كٸتابى» اتتى ەدەبي كۆەست ٶتكٸزٸلٸپ, بەردٸبەك سوقپاقباەۆتىڭ «مەنٸڭ اتىم قوجا» پوۆەسٸنٸڭ شەت تٸلدەردەگٸ اۋدارمالارى تانىستىرىلدى. سونداي-اق «قازاق ەدەبيەتٸ – ەلەم تٸلدەرٸندە» اتتى كٸتاپ كٶرمەسٸ ۇيىمداستىرىلدى.
جالپى, كٸتاپ اپتالىعى اياسىندا ەل كٶلەمٸندە ٶتكەن ٸس-شارالارعا 200 مىڭعا جۋىق ادام قاتىستى.
ايتا كەتەيٸك, ەرتەڭ, 23 سەۋٸر كٷنٸ قازاقستاندا مەملەكەت باسشىسىنىڭ باستاماسىمەن بەكٸتٸلگەن ۇلتتىق كٸتاپ كٷنٸ اتاپ ٶتٸلەدٸ. اتاۋلى كٷن حالىقتىڭ كٸتاپ وقۋعا دەگەن قىزىعۋشىلىعىن ارتتىرۋعا, وقۋ مەدەنيەتٸن جاڭعىرتۋعا جەنە زيياتكەرلٸك ەلەۋەتتٸ دامىتۋعا باعىتتالعان.
