فوتو: Polisia.kz
ەلوردادا ەسٸرتكٸ قىلمىسىنا قارسى كٷرەس باسقارماسىنىڭ قىزمەتكەرلەرٸ اسا ٸرٸ كٶلەمدە ەسٸرتكٸ ساتۋدىڭ جولىن كەستٸ, – دەپ حابارلايدى Polisia.kz.
"كٷمٸسبەكوۆ كٶشەسٸندەگٸ ٷيدٸڭ جانىنان Range Rover اۆتوكٶلٸگٸنٸڭ جٷك سالعىشىندا كٷشتٸ سينتەتيكالىق ەسٸرتكٸ زاتى – مەفەدروننىڭ ەكٸ پاكەتٸن تاسىمالداپ كەلە جاتقان 35 جاستاعى جەرگٸلٸكتٸ تۇرعىن ۇستالدى" - دەلٸنگەن حابارلامادا.
تەرگەۋ انىقتاعانداي, ەر ادام ەسٸرتكٸنٸ الماتىدان ساتىپ الىپ, كٶلٸكپەن استاناعا جٶنەلتٸپ, ٶزٸ ەلورداعا ۇشاقپەن ورالعان. ەرٸ قاراي ول ەسٸرتكٸنٸ بٸر كەلٸدەن بٶلٸپ, كٶكشەتاۋ, پەتروپاۆل جەنە پاۆلودار قالالارىندا ٸرٸ مٶلشەردە كٶتەرمە ساۋدا ٷشٸن جاسىرىپ كەتۋدٸ جوسپارلاعان. كٷدٸكتٸ ەسٸرتكٸنٸ وراپ-تٷيۋ ٷشٸن تاسىمالداۋ بارىسىندا ۇستالعان.
ونىڭ پەتەرٸن تٸنتۋ كەزٸندە ەكٸ كەلٸ گاشيش, بٸر ميلليون تەڭگەدەن اسا قاراجات, سونداي-اق ەلەكتروندى تارازىلار مەن بۋىپ-تٷيۋگە ارنالعان ماتەريالدار الىنعان.
ٸشكٸ ٸستەر مينيسترلٸگٸندە اتاپ ٶتكەندەي, تەركٸلەنگەن ەسٸرتكٸنٸڭ سالماعى اسا ٸرٸ مٶلشەرگە جاتادى. ولاردىڭ اينالىمى ٷشٸن مٷلكٸ تەركٸلەنٸپ, 15 جىلعا دەيٸن باس بوستاندىعىنان ايىرۋ جازاسى كٶزدەلگەن.
قازٸرگٸ ۋاقىتتا ٸزدەستٸرۋ شارالارى جالعاسۋدا, ۇستالعان ازاماتتىڭ قىلمىستىق بايلانىستارى انىقتالىپ جاتىر.
