استانادا AI & Digital Bridge 2026 حالىقارالىق فورۋمى اياسىندا پرەزيدەنت قاسىم-جومارت توقاەۆ ورتالىق ازيياداعى العاشقى AI-Enabled ۋنيۆەرسيتەت – Qazaq AI Research University-دٸ رەسمي تٷردە اشتى, دەپ حابارلايدى ult.kz.
مەملەكەت باسشىسى فورۋم بارىسىندا ادام كاپيتالىن دامىتۋعا ەرەكشە مەن بەردٸ. ونىڭ ايتۋىنشا, زاماناۋي دەرەكتەر ورتالىعى مەن وزىق تەحنولوگييالاردىڭ بولۋى ٶزدٸگٸنەن تەحنولوگييالىق سەرپٸلٸسكە كەپٸلدٸك بەرمەيدٸ. ول ٷشٸن عالىمدار, ينجەنەرلەر مەن كەسٸپكەرلەر قاجەت.
«بٸز بٸلٸمدٸ, بٸلٸكتٸ, جاسامپاز ماماندار دايارلايتىن ۇلتتىق عىلىمي-ينجەنەرلٸك مەكتەپ قالىپتاستىرۋىمىز كەرەك. وسى ورايدا جاڭادان اشىلعان Qazaq AI Research University-گە ايرىقشا مٸندەت جٷكتەلەدٸ», – دەدٸ پرەزيدەنت.
قاسىم-جومارت توقاەۆتىڭ ايتۋىنشا, ۋنيۆەرسيتەت تەك مامان دايارلاۋمەن شەكتەلمەي, ٶندٸرٸس پەن ەكونوميكانىڭ سۇرانىسىنا ساي عىلىمي زەرتتەۋلەر جٷرگٸزۋٸ كەرەك.
وسى ماقساتتا وقۋ ورنىندا AI+X مودەلٸ ەنگٸزٸلٸپ جاتىر. ول جاساندى ينتەللەكتٸنٸ ٶندٸرٸس, ەنەرگەتيكا, مەديتسينا, قارجى جەنە مەملەكەتتٸك باسقارۋ سيياقتى ناقتى سالالاردا قولدانۋعا باعىتتالعان.
پرەزيدەنت جاساندى ينتەللەكت ادامنىڭ ينتەللەكتۋالدىق قابٸلەتٸن الماستىراتىن قۇرال ەمەس, بٸلٸم الۋ ٷدەرٸسٸندەگٸ كٶمەكشٸ تەسٸل بولۋى كەرەك ەكەنٸن اتاپ ٶتتٸ.
ۋنيۆەرسيتەتتە 528 ستۋدەنت بٸلٸم الىپ جاتىر
عىلىم جەنە جوعارى بٸلٸم مينيسترٸ ساياسات نۇربەك ۋنيۆەرسيتەتتٸڭ قۇرىلۋ بارىسى تۋرالى باياندادى.
ونىڭ مەلٸمەتٸنشە, Qazaq AI Research University قۇرۋ تۋرالى تاپسىرما 2025 جىلعى 1 قازاندا جاساندى ينتەللەكتٸنٸ دامىتۋ جٶنٸندەگٸ كەڭەستٸڭ العاشقى وتىرىسىندا بەرٸلگەن.
ۋنيۆەرسيتەت 2026 جىلعى 29 سەۋٸردە بٸلٸم بەرۋ قىزمەتٸنە مەملەكەتتٸك ليتسەنزييا العان. 15 مامىردا AI+X مودەلٸ بويىنشا كادر دايارلايتىن ەكسپەريمەنتتٸك الاڭ مەرتەبەسٸنە يە بولدى. ال 18 مامىردا ينستيتۋتسيونالدىق اككرەديتتەۋدەن ٶتتٸ.
1 قىركٷيەكتەن باستاپ العاشقى ستۋدەنتتەر قابىلداندى. قازٸر ۋنيۆەرسيتەتتە 528 ادام بٸلٸم الىپ جاتىر. ونىڭ 294-ٸ مەملەكەتتٸك گرانتپەن وقيدى.
باكالاۆرياتتا ستۋدەنتتەر Artificial Intelligence and Machine Learning جەنە Physical AI باعدارلامالارى بويىنشا بٸلٸم الادى.
ماگيستراتۋرادا ٶنەركەسٸپتٸك AI-جٷيەلەر, قاۋٸپسٸزدٸك, ۇشقىشسىز جٷيەلەر, بيزنەس-تالداۋ جەنە تسيفرلىق قۇقىق باعىتتارى بويىنشا بەس باعدارلاما ٸسكە اسىرىلىپ جاتىر.
ۋنيۆەرسيتەت كامپۋسى 3,5 مىڭنان استام بٸلٸم الۋشىعا ەسەپتەلگەن.
ۋنيۆەرسيتەتتە جەكە AI-ينفراقۇرىلىمى بولادى
Qazaq AI Research University-دەگٸ وقۋ, عىلىمي-زەرتتەۋ جەنە باسقارۋ ٷدەرٸستەرٸ بٸرىڭعاي تسيفرلىق ورتاعا بٸرٸكتٸرٸلگەن.
ونىڭ نەگٸزٸن QAIRU OS پلاتفورماسى قۇرايدى. جٷيە ستۋدەنتتەردٸڭ جەكە بٸلٸم بەرۋ تراەكتورييالارىن قالىپتاستىرۋعا, وقىتۋشىلارعا وقۋ ٷدەرٸسٸن ۇيىمداستىرۋعا جەنە زەرتتەۋشٸلەرگە عىلىمي ەدەبيەتتەر, دەرەكتەر مەن ەسەپتەۋ رەسۋرستارىمەن جۇمىس ٸستەۋگە مٷمكٸندٸك بەرەدٸ.
سونىمەن قاتار ۋنيۆەرسيتەتتە NVIDIA H200 نەگٸزٸندەگٸ جەكە AI-ينفراقۇرىلىمى دامىپ كەلەدٸ. ول جاساندى ينتەللەكت مودەلدەرٸن ەزٸرلەۋ, عىلىمي زەرتتەۋلەر جٷرگٸزۋ جەنە AI ٶنٸمدەرٸن جاساۋ ٷشٸن پايدالانىلماق.
ۋنيۆەرسيتەت جانىنان ٸرگەلٸ جەنە قولدانبالى زەرتتەۋلەردٸ, روبوتوتەحنيكا مەن ينتەللەكتۋالدى جٷيەلەردٸ بٸرٸكتٸرەتٸن AI Research Hub قۇرىلادى.
شەتەلدٸك ۋنيۆەرسيتەتتەرمەن بٸرلەسكەن باعدارلامالار ٸسكە قوسىلادى
QAIRU حالىقارالىق سەرٸكتەستٸكتٸ دە دامىتىپ جاتىر. 2027 جىلدان باستاپ Shanghai Jiao Tong University جەنە Tsinghua University-مەن بٸرلەسكەن قوس ديپلومدى باعدارلامالاردى ٸسكە قوسۋ جوسپارلانىپ وتىر.
سونداي-اق Carnegie Mellon University, Shanghai Innovation Institute, حەلسينكي ۋنيۆەرسيتەتٸ جەنە Tsinghua Shenzhen International Graduate School ۇيىمدارىمەن ىنتىماقتاستىق ورناتىلعان.
Google, Huawei جەنە Samsung كومپانييالارىمەن بٸرگە وقۋ باعدارلامالارىنا يندۋسترييالىق سەرتيفيكاتتاۋ باعدارلامالارى ەنگٸزٸلۋدە. NVIDIA-مەن بٸرلەسٸپ NVIDIA Deep Learning Institute ٶڭٸرلٸك ورتالىعىن قۇرۋ جوسپارلانعان.
ۋنيۆەرسيتەتتٸڭ بٸلٸم بەرۋ مودەلٸنٸڭ نەگٸزٸنە AI+X قاعيداتى الىنعان. ياعني جاساندى ينتەللەكت سالاسىنداعى بٸلٸم ناقتى بٸر سالانىڭ – مىسالى, اۋىل شارۋاشىلىعى, كٶلٸك, ماشينا جاساۋ نەمەسە بٸلٸم بەرۋدٸڭ ساراپتاماسىمەن ۇشتاستىرىلادى.
كەلەشەكتە بۇل مودەلدٸ قازاقستاننىڭ باسقا جوعارى وقۋ ورىندارىنا دا تاراتۋ جوسپارلانىپ وتىر. QAIRU جەتەكشٸ ۋنيۆەرسيتەتتەردٸ بٸرٸكتٸرەتٸن AI+X كونسورتسيۋمىنىڭ ٶزەگٸ رەتٸندە جۇمىس ٸستەيدٸ.
