فوتو: قر مام
2025 جىلدىڭ 16 مامىرىنان ەلوردادا «وپەرالييا» حالىقارالىق مۋزىكا فەستيۆالٸ باستاۋ الدى. «استانا وپەرا» تەاترىندا سالتاناتتى قىزىل كٸلەم جايىلىپ, الداعى قويىلىمداردان ٷزٸندٸلەر ۇسىنىلدى جەنە رولان پتيدٸڭ بٸردەن ٷش تۋىندىسىنىڭ پرەمەراسى قويىلدى, دەپ حابارلايدى Ult.kz.
وسى كەشتە كٶرەرمەن بەلگٸلٸ فرانتسۋز حورەوگرافىنىڭ تانىمال بٸر اكتٸدەن تۇراتىن بالەتتەرٸن تاماشالادى. اتاپ ايتساق, «ارلەزيانكا», «بوزبالا جەنە ٶلٸم» جەنە «كارمەن» سپەكتاكلدەرٸ ۇسىنىلدى. قويىلىمدار «استانا وپەرا» بالەت ترۋپپاسىنىڭ كٶركەمدٸك جەتەكشٸسٸ التىناي اسىلمۇراتوۆانىڭ باستاماسىمەن ساحنالاندى.
اتالمىش سپەكتاكلدەردٸ قازاقستان ساحناسىنا قويۋشى-بالەتمەيستەر لۋيدجي بونينو جەنە سۋرەتشٸ جان-ميشەل دەزيرە, وتاندىق اسسيستەنتەرٸمەن بٸرگە الىپ كەلدٸ. «استانا وپەرا» وركەسترٸنە ەلمار بٶرٸباەۆ پەن رۋسلان بايمۋرزين ديريجەرلٸك ەتتٸ. پرەمەرادا بالەت جۇلدىزدارى, ترۋپپانىڭ جەتەكشٸ سوليستەرٸ, سوليستەر مەن كوردەبالەت ەرتٸستەرٸ ٶنەر كٶرسەتتٸ.
فەستيۆال ەكٸ ايعا جالعاسادى. 6 ماۋسىم كٷنٸ رەسەيلٸك تەنوردىڭ قاتىسۋىمەن ج. بيزەنٸڭ «كارمەن» وپەراسى ۇسىنىلادى. ودان بٶلەك وسى ايدا ەكٸ جارقىن پرەمەرا – پ. چايكوۆسكييدٸڭ «ۇيقىداعى ارۋى» مەن ۆ. بەللينيدٸڭ «كاپۋلەتتي مەن مونتەككي» قويىلادى. 29 ماۋسىمدا قىتاي مەن رەسەيدٸڭ بالەت جۇلدىزدارى قاتىساتىن گالا-بالەت ٶتەدٸ. ال شٸلدەدە ەلوردالىقتار مەن قالا قوناقتارى دج. پۋچچينيدٸڭ «بوگەما» وپەراسى تاماشالاي الادى. وندا يتالييا مەن قىتايدان شاقىرىلعان سوليستەر ٶنەر كٶرسەتەدٸ. سونداي-اق XXI عاسىر بالەتٸ ر. رەبەكتٸڭ «قازٸرگٸ سەت قانشا ۋاقىتقا سوزىلادى?» جەنە ۆ. تسۋكەتتيدٸڭ Souvenir de danse قويىلىمدارى ۇسىنىلادى.
دج. پۋچچينيدٸڭ «تۋراندوت» گراند-وپەراسى قازاقستان مەن رەسەي جۇلدىزدارىنىڭ قاتىسۋىمەن ٶتەدٸ.
بۇدان بٶلەك, ك. بايسەيٸتوۆا اتىنداعى كامەرالىق زالدا بٸرقاتار كونتسەرتتەر ۇيىمداستىرىلادى. اتاپ ايتساق, بولگارييالىق سكريپكاشى پاۆەل مينەۆتٸڭ كەشٸ, سالاۋات كاريباەۆ پەن الييار ٶتەتلەۋ قاتىساتىن ۆيولونچەل كونتسەرتٸ, مەسكەۋدەن كەلگەن ەلمان ەرنۇردىڭ فورتەپيانولىق سولوسى, قازاقستاندىق كومپوزيتورلارعا ارنالعان ۆوكال كەشتەرٸ كٶپشٸلٸك نازارىنا ۇسىنىلادى. جالپى, كٶرەرمەن ٷشٸن 30-دان استام ٸس-شارا جوسپارلانعان.
