استانادا بۇرىنعى بٸرگە تۇرعان ەيەلٸن بٸرنەشە اي بويى زاڭسىز اڭدىعان ەر ادامعا سوت ٷكٸمٸ شىقتى, دەپ حابارلايدى ult.kz.
سوت ماتەريالدارىنا سەيكەس, ەلوردا تۇرعىنى قورعاۋ نۇسقاماسىنىڭ تالاپتارىن ەلەمەي, تٶرت اي بويى بۇرىنعى بٸرگە تۇرعان ەيەلدٸ قۋدالاعان. ول جەبٸرلەنۋشٸگە قايتا-قايتا قوڭىراۋ شالىپ, حابارلامالار جٸبەرگەن, تۇرعىلىقتى جەرٸنە بارىپ, ٷيٸنٸڭ ماڭىندا كٷتٸپ تۇرعان جەنە بالاعات سٶزدەر ايتقان.
وسىنىڭ سالدارىنان ەيەل ٶزٸنٸڭ جەنە كەمەلەتكە تولماعان قىزىنىڭ قاۋٸپسٸزدٸگٸ ٷشٸن ٷنەمٸ الاڭداپ, قورقىنىش جاعدايىندا ٶمٸر سٷرگەن. ونىڭ جەكە قاۋٸپسٸزدٸككە جەنە ەركٸن قارىم-قاتىناس جاساۋعا دەگەن قۇقىقتارى بۇزىلعان.
مەملەكەتتٸك ايىپتاۋشى سوتتالۋشىنىڭ كٸنەسٸن تولىق دەلەلدەپ, سوت وعان 100 ساعات قوعامدىق جۇمىس تٷرٸندەگٸ جازا تاعايىندادى. ٷكٸم زاڭدى كٷشٸنە ەندٸ.
استانا قالاسىنىڭ پروكۋراتۋراسى ستالكينگ – ادامنىڭ ەركٸنەن تىس بايلانىس ورناتۋعا نەمەسە ونى اڭدۋعا باعىتتالعان, كٷش قولدانۋمەن بايلانىستى ەمەس زاڭسىز قۋدالاۋ ەكەنٸن ەسكە سالدى. ەگەر مۇنداي ەرەكەت ەلەۋلٸ زييان كەلتٸرسە, زاڭنامادا 50 تەۋلٸككە دەيٸن قاماۋعا الۋ تٷرٸندەگٸ قىلمىستىق جاۋاپكەرشٸلٸك قاراستىرىلعان.
ايتا كەتەيٸك, قازاقستاندا ستالكينگ بۇرىن كٶبٸنە جەكە مەسەلە رەتٸندە قاراستىرىلسا, بٷگٸندە ول قىلمىستىق جاۋاپكەرشٸلٸككە ەكەلەتٸن قۇقىقبۇزۋشىلىق رەتٸندە تانىلعان.
