فوتو: pixabay.com
استانادا جٷرگٸزۋشٸسٸز تاكسي جولعا شىعادى. بۇل جوبا بيىل كەزەڭ-كەزەڭٸمەن ٸسكە قوسىلماق, دەپ حابارلايدى 24.kz.
پيلوتتىق جوبا رەتٸندە قاراستىرىلىپ وتىرعان جٷرگٸزۋشٸسٸز تاكسي الدىمەن ەۋەجاي مەن ابۋ دابي كەشەنٸ ارالىعىندا قاتىنايتىن بولادى. تاكسيدٸڭ ديپەتچەرلٸك قىزمەتٸ تەۋلٸك بويى جۇمىس ٸستەيدٸ.
استانادا وسىعان بايلانىستى جاساندى ينتەللەكت جەنە تسيفرلىق دامۋ مينيسترلٸگٸ, كٶلٸك مينيسترلٸگٸ, استانا قالاسىنىڭ ەكٸمدٸگٸ مەن تاكسي كومپانيياسى جٷرگٸزۋشٸسٸز تاكسيدٸ دامىتۋ جٶنٸندەگٸ ىنتىماقتاستىق تۋرالى مەموراندۋمعا قول قويدى.
حالىقارالىق زەرتتەۋلەر دەرەكتەرٸنە سٷيەنسەك, اۆتونومدى تەحنولوگييالار ادام فاكتورىن ازايتۋ ارقىلى اپاتتاردىڭ الدىن الىپ, كٶلٸك اعىنىن وڭتايلاندىرادى, ەرٸ حالىقتىڭ جٷرٸپ تۇرۋىنا, ەسٸرەسە قوزعالىسى شەكتەۋلٸ ازاماتتار ٷشٸن قولايلى بولا تٷسپەك.
"ەلوردا 2026 جىلى جٷرگٸزۋشٸسٸز تاكسي جوباسى ٸسكە قوسىلاتىن قازاقستانداعى العاشقى قالالاردىڭ قاتارىنا ەندٸ. ٶزدٸگٸنەن جٷرەتٸن اۆتوكٶلٸكتەردٸ ەنگٸزۋ جوباسى اقىلدى قالا ستراتەگيياسى مەن تسيفرلى ينفراقۇرىلىمدى دامىتۋ اياسىندا جٷزەگە اسىرىلادى. پيلوتتىق جوبانىڭ باعىتى الداعى ۋاقىتتا بەلگٸلٸ بولادى. ەزٸرگە استانا حالىقارالىق ەۋەجايىنان باستاپ, ابۋ-دابي پلازا ساۋدا ورتالىعىنا دەيٸنگٸ ارالىق دەپ وتىرمىز", - دەيدٸ جاساندى ينتەللەكت جەنە تسيفرلىق دامۋ مينيسترلٸگٸ كوميتەتٸ باسقارماسىنىڭ باسشىسى ەربول احمەتوۆ.
