استانا پوليتسيياسى تۇرعىندار «اقشانى ەسەلەپ, ٶسٸممەن قايتارامىن» دەيتٸن الاياقتارعا الدانىپ قالۋعا قاتىستى وقيعالاردىڭ جيٸلەپ كەتكەنٸن حابارلايدى. قىلمىسكەرلەر اقشانى ونلاين ەمييانعا اۋداردى سۇرايدى.
وسىلايشا, 20 تامىز كٷنٸ پوليتسيياعا قالا تۇرعىنى كەلٸپ, ماۋسىم ايىندا بەلگٸسٸز بٸرەۋ استانانىڭ بيزنەس ورتالىقتارىنىڭ بٸرٸنٸڭ اتىنان «اقشانى ٷستەمە پايىزبەن قايتارامىن» دەپ الاياقتىق جولمەن 700 مىڭ تەڭگەنٸ يەمدەنٸپ كەتكەن ايتىپ شاعىمدانعان. اتالمىش وقيعاعا قاتىستى قر قك-نٸڭ 190-بابى, 2-بٶلٸگٸ بويىنشا سوتقا دەيٸنگٸ تەرگەۋ امالدارى باستالىپ كەتتٸ, دەپ مەلٸم ەتتٸ قالالىق ٸٸد-نٸڭ باسپاسٶز قىزمەتٸ.
الاياقتار ازاماتتارعا بەرٸلگەن اقشانى بەلگٸلٸ ۋاقىتتان كەيٸن ٷستەمە پايىزبەن قايتاراتىنىنا سەندٸرەدٸ. اقشانى قالايشا ٶسٸممەن قايتادى دەگەن ساۋالعا «بۋكمەكەرلٸك كەڭسەلەر مەن بيرجالارعا تٸگەتٸنٸن» ايتادى دا. الايدا قولدارىنا قاجەتتٸ قاراجات تٷسكەن سوڭ, تەلەفوندارىن ٶشٸرٸپ تاستايدى.
مىسالى, 21 تامىز كٷنٸ پوليتسيياعا 27 جاستاعى كەلٸنشەك كەلٸپ ارىزدانعان. ول عالامتوردان نەسيە الۋعا كٶمەكتەسۋ تۋرالى حابارلاندىرۋدى كٶرٸپ, ابونەنتتٸڭ ۇيالى تەلەفونىنا تٶلەم تەرمينالى ارقىلى 15 مىڭ تەڭگە اۋدارعان. اقشانىڭ اۋدارىلعانى راستالعان بويدا الاياقتاردىڭ تەلەفوندارىن ٶشٸرٸپ تاستاعان.
الداۋدىڭ كەڭ تارالعان تٷرٸنە الدىن الا تٶلەم جاساپ قويۋ جاتادى. مۇنداي جاعدايدا ساتىپ الۋشى اقشا اۋدارىپ, اقشاسى تٶلەنگەن تاۋار بەرٸلمەي قالۋى مٷمكٸن نەمەسە باعاسى ارزان تاۋار كەلەدٸ.
وسىلايشا, الاياقتاردىڭ بٸرٸ استانا قالاسىنىڭ تاعى بٸر تۇرعىنىنا ينتەرنەت جەلٸسٸنٸڭ كٶمەگٸمەن موبيلدٸك بانكينگ ارقىلى الاياقتىق جولمەن اقشالاي قاراجات اۋدارتقىزعان. ازامات اۆتوبٶلشەكتەردٸ ساتىپ الۋ ٷشٸن ەسەپشوتقا الدىن الا تٶلەم اۋدارعان. ەندٸ اقشا دا, تاۋار دا جوق.
دەل وسى دەرەكتەردٸڭ بارلىعىنا قاتىستى تەرتٸپ ساقشىلارى كەشەندٸ جەدەل-ٸزدەستٸرۋ شارالارىن جٷرگٸزٸپ جاتىر.
