Astana politsiiasy turǵyndar «aqshany eselep, ósimmen qaitaramyn» deitin alaiaqtarǵa aldanyp qalýǵa qatysty oqiǵalardyń jiilep ketkenin habarlaidy. Qylmyskerler aqshany onlain ámiianǵa aýdardy suraidy.
Osylaisha, 20 tamyz kúni politsiiaǵa qala turǵyny kelip, maýsym aiynda belgisiz bireý Astananyń biznes ortalyqtarynyń biriniń atynan «aqshany ústeme paiyzben qaitaramyn» dep alaiaqtyq jolmen 700 myń teńgeni iemdenip ketken aityp shaǵymdanǵan. Atalmysh oqiǵaǵa qatysty QR QK-niń 190-baby, 2-bóligi boiynsha sotqa deiingi tergeý amaldary bastalyp ketti, dep málim etti qalalyq IID-niń baspasóz qyzmeti.
Alaiaqtar azamattarǵa berilgen aqshany belgili ýaqyttan keiin ústeme paiyzben qaitaratynyna sendiredi. Aqshany qalaisha ósimmen qaitady degen saýalǵa «býkmekerlik keńseler men birjalarǵa tigetinin» aitady da. Alaida qoldaryna qajetti qarajat túsken soń, telefondaryn óshirip tastaidy.
Mysaly, 21 tamyz kúni politsiiaǵa 27 jastaǵy kelinshek kelip aryzdanǵan. Ol ǵalamtordan nesie alýǵa kómektesý týraly habarlandyrýdy kórip, abonenttiń uialy telefonyna tólem terminaly arqyly 15 myń teńge aýdarǵan. Aqshanyń aýdarylǵany rastalǵan boida alaiaqtardyń telefondaryn óshirip tastaǵan.
Aldaýdyń keń taralǵan túrine aldyn ala tólem jasap qoiý jatady. Mundai jaǵdaida satyp alýshy aqsha aýdaryp, aqshasy tólengen taýar berilmei qalýy múmkin nemese baǵasy arzan taýar keledi.
Osylaisha, alaiaqtardyń biri Astana qalasynyń taǵy bir turǵynyna internet jelisiniń kómegimen mobildik banking arqyly alaiaqtyq jolmen aqshalai qarajat aýdartqyzǵan. Azamat avtobólshekterdi satyp alý úshin esepshotqa aldyn ala tólem aýdarǵan. Endi aqsha da, taýar da joq.
Dál osy derekterdiń barlyǵyna qatysty tártip saqshylary keshendi jedel-izdestirý sharalaryn júrgizip jatyr.
