اقمولا وبلىسىنىڭ پوليتسەيلەرٸ كٶكشەتاۋ تۇرعىنىنان 10 ملن تەڭگەدەن استام اقشا الىپ كەتكەن الاياقتاردىڭ كۋرەرٸن استانادان ۇستادى, دەپ حابارلايدى ult.kz.
وقيعا 11 قىركٷيەكتە بولعان. الاياقتار 59 جاستاعى ەيەلگە تەلەفون سوعىپ, ٶزدەرٸن قۇقىق قورعاۋ ورگاندارىنىڭ قىزمەتكەرلەرٸ رەتٸندە تانىستىرعان. ولار ەيەلدٸ تٷرلٸ سەبەپپەن قورقىتىپ, اقشاسىن «قاۋٸپسٸز جەرگە» اۋدارۋعا كٶندٸرگەن.
پسيحولوگييالىق قىسىمعا تٷسكەن ەيەل بارلىق جيناعىن جيناپ, كەلگەن كۋرەرگە 10 ملن تەڭگەدەن استام اقشانى پاكەتپەن بەرگەن. ەر ادام كەتٸپ قالعاننان كەيٸن عانا ونىڭ الاياقتاردىڭ قۇربانى بولعانىن تٷسٸنگەن ەيەل پوليتسيياعا حابارلاسقان.
جەدەل ٸزدەستٸرۋ بارىسىندا پوليتسەيلەر اقشانى الىپ كەتكەن ادامنىڭ جەكە باسىن انىقتاعان. ونىڭ استانادا تۇراتىنى بەلگٸلٸ بولىپ, كٶكشەتاۋدان جەدەل توپ ەلورداعا اتتانعان.
كۋرەردٸ ٸزدەۋ جۇمىستارى تٶرت ساعاتتان استام ۋاقىتقا سوزىلعان. نەتيجەسٸندە كٷدٸكتٸ ۇستالىپ, ونىڭ جانىنان جەبٸرلەنۋشٸگە تيەسٸلٸ اقشا تولىق كٶلەمدە تابىلعان.
«قۋانىشىمىزعا وراي, قىلمىسكەر العان اقشانىڭ بارلىعىن اۋدارىپ ٷلگەرمەگەن. ۇستالعان ازامات تەلەفون ارقىلى قوڭىراۋ شالىپ, كٶكشەتاۋعا بارىپ, اقشاسى بار پاكەتتٸ الىپ كەتۋ تۋرالى تاپسىرما العانىن ايتتى», – دەدٸ پوليتسييا.
قازٸر كٷدٸكتٸگە قاتىستى تەرگەۋ امالدارى جٷرگٸزٸلٸپ جاتىر. پوليتسەيلەر ونىڭ وسىعان ۇقساس باسقا دا قىلمىستارعا قاتىسى بار-جوعىن تەكسەرۋدە.
اقمولا وبلىسىنىڭ پوليتسييا دەپارتامەنتٸ ازاماتتارعا مەملەكەتتٸك ورگاندار مەن قۇقىق قورعاۋ قۇرىلىمدارىنىڭ قىزمەتكەرلەرٸ ەشقاشان «تەكسەرۋ» نەمەسە «اقشانى ساقتاۋ» ٷشٸن اقشا بەرۋدٸ نە اۋدارۋدى تالاپ ەتپەيتٸنٸن ەسكە سالدى.
مۇنداي قوڭىراۋ تٷسكەن جاعدايدا ەڭگٸمەنٸ بٸردەن توقتاتىپ, پوليتسيياعا حابارلاسۋ قاجەت.
