فوتو: DigitalBusiness.kz
استانا مەن الماتى كٶشەلەرٸندەگٸ اقىلى تۇراقتار ەندٸ جەكە كومپانييالاردىڭ يەلٸگٸندە بولمايدى. بۇل تۋرالى مەجٸلٸس دەپۋتاتى باقىتجان بازاربەك ٶزٸنٸڭ Facebook پاراقشاسىندا جازدى.
دەپۋتاتتىڭ ايتۋىنشا, قۇرىلىس كودەكسٸ جوباسىن تالقىلاعان جۇمىس توبى ونىڭ جەر كودەكسٸنٸڭ 109-بابىنا ەنگٸزگەن تٷزەتۋٸن قولداعان. بۇل تٷزەتۋ ەكٸ قالاداعى جەكە يەلٸكتەگٸ اقىلى تۇراقتاردى الىپ تاستاۋعا باعىتتالعان.
«الماتىدا وليگارحتار فيرما-پروكلادكا قۇرىپ, حالىقتان تۇراق اقىسى ارقىلى اقشا جينادى. قالانىڭ بيۋدجەتٸ ميللياردتاعان تەڭگەدەن ايىرىلدى, كٸنەلٸلەر سوتتالدى, بٸراق جٷيە توقتاعان جوق. الماتىدا دا, استانادا دا جالعاسا بەردٸ. حالىق تٶلەپ جاتقاندا, بٸرەۋلەر سول اقشامەن بايىپ وتىردى», — دەپ جازدى بازاربەك.
