مەملەكەت باسشىسى قاسىم-جومارت توقاەۆ سالالىق جوعارى وقۋ ورىندارىنا بەلگٸلٸ مەديتسينا قايراتكەرلەرٸنٸڭ ەسٸمٸن بەرۋ جٶنٸندەگٸ باستامانى قولدايتىنىن مەلٸمدەدٸ, دەپ حابارلايدى ult.kz.
اقوردادا ٶتكەن مەديتسينا قىزمەتكەرٸ كٷنٸنە ارنالعان سالتاناتتى جيىندا پرەزيدەنت «استانا مەديتسينا ۋنيۆەرسيتەتٸنٸڭ» جەتٸستٸكتەرٸنە ەرەكشە توقتالدى.
مەملەكەت باسشىسىنىڭ ايتۋىنشا, وقۋ ورنى تسيفرلىق دەنساۋلىق ساقتاۋ مەن بيومەديتسينا سالالارىن تابىستى دامىتىپ كەلەدٸ جەنە ەلٸمٸزدەگٸ جەتەكشٸ مەديتسينالىق جوعارى وقۋ ورىندارىنىڭ بٸرٸنە اينالعان.
«ٷكٸمەت اتالعان وقۋ ورنىنىڭ ايقىن جەتٸستٸكتەرٸن ەسكەرٸپ, ول ەڭ جوعارى – ۇلتتىق ۋنيۆەرسيتەت مەرتەبەسٸن الۋعا ەبدەن لايىق دەپ سانايدى. بۇل ۇسىنىستى قولدايمىن», – دەدٸ قاسىم-جومارت توقاەۆ.
پرەزيدەنت سونداي-اق ۋنيۆەرسيتەتكە كٶرنەكتٸ عالىم, وتاندىق تاعامتانۋ عىلىمى مەن پروفيلاكتيكالىق مەديتسينانىڭ نەگٸزٸن قالاۋشىلاردىڭ بٸرٸ, قازاقستاننىڭ ەڭبەك ەرٸ تٶرەگەلدٸ شارمانوۆتىڭ ەسٸمٸن بەرۋ ورىندى ەكەنٸن ايتتى.
سونىمەن قاتار مەملەكەت باسشىسى قاراعاندى مەديتسينا ۋنيۆەرسيتەتٸنە وقۋ ورنىنىڭ نەگٸزٸن قالاعان ەرٸ ونى ۇزاق جىلدار باسقارعان پەتر پوسپەلوۆتٸڭ ەسٸمٸن بەرۋ تۋرالى باستامانى دا قولدادى.
پرەزيدەنتتٸڭ پٸكٸرٸنشە, قاراعاندى مەديتسينا مەكتەبٸنٸڭ قالىپتاسۋىنا زور ٷلەس قوسقان تۇلعانىڭ 125 جىلدىعى قارساڭىندا مۇنداي شەشٸم قابىلداۋ تاريحي ەدٸلەتتٸلٸكتٸ قالپىنا كەلتٸرۋگە مٷمكٸندٸك بەرەدٸ.
وسىلايشا, ەلٸمٸزدەگٸ جەتەكشٸ مەديتسينالىق جوعارى وقۋ ورىندارىنا بەلگٸلٸ عالىمداردىڭ ەسٸمٸن بەرۋ ارقىلى ولاردىڭ عىلىم مەن بٸلٸم سالاسىنا سٸڭٸرگەن ەڭبەگٸن ۇلىقتاۋ كٶزدەلٸپ وتىر.
