نۇر-سۇلتان سوتىنىڭ سوت القاسى ەلوردادا LRT جوباسىن ٸسكە اسىرۋ كەزٸندە قارجى جىمقىرۋ دەرەگٸ بويىنشا ايىپتالۋشىلارعا قاتىستى ٷكٸمدٸ جويىپ, زاڭبۇزۋشىلىقتاردى جويۋ ٷشٸن ٸستٸ پروكۋرورعا قايتاردى, - دەپ حابارلايدى "ۇلت اقپارات" Tengrinews.kz اگەنتتٸگٸنە سٸلتەمە جاساپ.
بٷگٸن سۋديا اباي كٶكجالوۆ سوت القاسىنىڭ شەشٸمٸن جارييالادى.
"سوت القاسى قاۋلى ەتتٸ: قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىنىڭ 2021 جىلعى 28 مامىرداعى راشيد امانجولوۆ, جانات نۇرپەيٸسوۆ, تالعات ەشٸم, ۇلىقبەك اچيلوۆ, تيمۋر قاساباەۆ, دۋلات مۋسەنوۆ, دەۋرەن ەبدٸحاميتوۆكە قاتىستى ٷكٸمٸنٸڭ كٷشٸ جويىلدى. قىلمىستىق ٸس جٷرگٸزۋ زاڭناماسىنىڭ باستى سوت تالقىلاۋىنا كەدەرگٸ كەلتٸرەتٸن ەلەۋلٸ بۇزۋشىلىقتارى مەن نورمالارىن جويۋ ٷشٸن قىلمىستىق ٸس نۇر-سۇلتان قالاسىنىڭ پروكۋرورىنا قايتارىلدى", - دەدٸ كٶكجالوۆ.
ايىپتالۋشىلاردى "كٷزەتپەن ۇستاۋ" بۇلتارتپاۋ شاراسى ٶزگەرٸسسٸز قالدى.
ەسكە سالايىق, 28 مامىردا LRT جوباسىن ٸسكە اسىرۋ كەزٸندە قارجى جىمقىرۋ ٸسٸ بويىنشا سوتتالۋشىلارعا ٷكٸم شىققان بولاتىن.
ٸس بويىنشا ايىپتالۋشىلار 7 جىلدان 10 جىلعا دەيٸنگٸ مەرزٸمگە سوتتالعان:
- ەلوردانىڭ جولاۋشىلار كٶلٸگٸ جەنە اۆتوموبيل جولدارى باسقارماسىنىڭ بۇرىنعى باسشىسى راشيد امانجولوۆ 10 جىلعا باس بوستاندىعىنان ايىرىلىپ, مەملەكەتتٸك قىزمەتتە قىزمەت اتقارۋ قۇقىعىنان ايىرىلعان, جازاسىن قىلمىستىق-اتقارۋ جٷيەسٸ مەكەمەسٸندە ٶتەيدٸ.
- قالالىق مەسليحاتتىڭ ەكس-دەپۋتاتى جەنە حاتشىسى جانات نۇرپەيٸسوۆ قىلمىستىق-اتقارۋ جٷيەسٸ مەكەمەسٸندە جازاسىن ٶتەيدٸ, ول مەملەكەتتٸك قىزمەتتە قىزمەت اتقارۋ قۇقىعىنان ايىرىلىپ, 8 جىلعا باس بوستاندىعىنان ايىرىلعان.
- Astana Innovations اق بۇرىنعى باسقارما تٶراعاسى تالعات ەشٸم ورتاشا قاۋٸپسٸزدٸك مەكەمەسٸندە جازاسىن ٶتەيدٸ, ول مەملەكەتتٸك قىزمەتتە جۇمىس ٸستەۋ قۇقىعىنان ايىرىلىپ, 7 جىلعا باس بوستاندىعىنان ايىرىلعان.
- جشس ٶكٸلٸ ۇلىقبەك اچيلوۆ 8 جىلعا باس بوستاندىعىنان ايىرىلعان, جازاسىن ورتاشا قاۋٸپسٸزدٸك كولونيياسىندا ٶتەيدٸ.
- مەردٸگەردٸڭ ٶكٸلٸ دەۋرەن ەبدٸحاميتوۆ زاڭسىز جولمەن الىنعان باسقا تۇلعالاردىڭ مەنشٸگٸندەگٸ مٷلكٸ تەركٸلەنٸپ, 8 جىلعا باس بوستاندىعىنان ايىرىلعان.
- مەردٸگەر ٶكٸلٸ دۋلات مۋسەنوۆ 7 جىلعا باس بوستاندىعىنان ايىرىلعان.
- مەردٸگەردٸڭ ٶكٸلٸ تيمۋر قاساباەۆ 8 جىلعا باس بوستاندىعىنان ايىرىلعان.
ايتا كەتەيٸك, LRT قۇرىلىسىنا بٶلٸنگەن قارجىنى جىمقىرۋ ٸسٸ بويىنشا العاشقى سوت وتىرىسى 2020 جىلى 29 قازاندا ٶتتٸ. جەتٸ ادام 5,8 ميلليارد تەڭگەنٸ جىمقىرعانى ٷشٸن ايىپتالدى.
ال ەلوردا ەكٸمٸنٸڭ بۇرىنعى ورىنباسارى قانات سۇلتانبەكوۆ پەن "استانا LRT" جشس بۇرىنعى باسشىسى تالعات اردان حالىقارالىق ٸزدەۋدە جٷر. جاقىندا جەمقورلىقپەن كٷرەس قىزمەتٸ تالعات ارداننىڭ قاي ەلدە تىعىلىپ جاتقانىن بٸلەمٸز دەپ مەلٸمدەدٸ. قانات سۇلتانبەكوۆ بولسا اقش-تا جٷر.
تەرگەۋ ماتەريالدارىنا سەيكەس, سۇلتانبەكوۆ پەن اردان قىلمىستىق توپ قۇرىپ, LRT قۇرىلىسىنا كەتەتٸن شىعىنداردى 24 ميلليارد تەڭگەگە ارتىق كٶرسەتكەن. وسى قىلمىسقا ەكٸمدٸكتٸڭ باسقارما باسشىلارى, سونداي-اق شەتەلدٸك جەنە وتاندىق كومپانييالاردىڭ ٶكٸلدەرٸ قاتىسقان. قىلمىستىق توپ بيۋدجەتكە 5 ميلليارد 800 ميلليون تەڭگەدەن استام شىعىن كەلتٸردٸ.
2013 جىلى قازاقستاننىڭ تۇڭعىش پرەزيدەنتٸ نۇرسۇلتان نازارباەۆ LRT قۇرىلىسى تىم قىمباتقا تٷسەتٸنٸن مەلٸمدەدٸ. بٸرنەشە جىلدان كەيٸن قىتايلىق ينۆەستورلار كەلدٸ. ال 2019 جىلى شٸلدە ايىندا قاسىم-جومارت توقاەۆ جەڭٸل رەلستٸ كٶلٸك قۇرىلىسىن سىنعا الىپ, وسى جوبانىڭ تيٸمدٸلٸگٸنە سەنبەيتٸنٸن ايتتى.
LRT-نىڭ قۇرىلىسى 2019 جىلدىڭ سوڭىندا اياقتالادى دەگەن جوسپار بولعان. الايدا قىتايلىق ينۆەستورلار قارجىلاندىرۋدى توقتاتتى. ارتىنان "استانا بانكٸندە" تاعى 200 ميلليون دوللاردىڭ بۇعاتتالىپ قالعانى تۋرالى اقپارات تارادى. بيىل ناۋرىز ايىندا ەسەپ كوميتەتٸ بۇل جوبا ٶزٸن اقتامايتىنىن مەلٸمدەدٸ.
ال ماۋسىم ايىندا ەلوردا ەكٸمٸ التاي كٶلگٸنوۆ LRT قۇرىلىسىنىڭ قايتا جاندانعانىن مەلٸمدەدٸ. LRT-نى تولىعىمەن اياقتاۋ ٷشٸن قوسىمشا 1 ميلليارد دوللار قاجەت.
